“أولادي مبيحبوش يتفرجوا عليا”.. أبرز تصريحات داليا مصطفي مع شريف عامر: بتشتم على  أجري اللي مش محصل 750 ألف.. وما جاتش فرصة أشتغل مع جوزي شريف سلامة.. وتؤكد: اتصدمت لما لقيت الدرس بـ 900 جنيه 

تحدثت الفنانة داليا مصطفى عن علاقتها بأبنائها خلال حوارها مساء أمس ببرنامج “يحدث في مصر” مع الإعلامي شريف عامر على شاشة تلفزيون قناة “إم بي سي مصر”.

حيث قالت داليا مصطفى: “ولادي بيقولوا لي مهنة التمثيل مرهقة وبصعب عليهم لما برجع متأخر، وما بيتفرجوش عليَّ وميعرفوش حد من الممثلين”.

أسرة داليا مصطفى

وتابعت: “عمري ما بفتح موبايل حد من أولادي ولغاية دلوقتِ بدخل أنيمهم في السرير، ولادي بيحكوا لي كل حاجة وكل أم لازم تحكي حواديت لأبنائها”.

وعن السبب وراء عدم مشاركة زوجها الفنان شريف سلامة في عمل فني قالت: “ما جاتش فرصة مناسبة علشان أشتغل أنا وزوجي شريف سلامة مع بعض ولو جت هتبقى عظيمة”.

أسعار الدروس الخصوصية

وفي وقت سابق، أحدثت الفنانة داليا مصطفى ضجة عريمة عبر مواقع التواصل الاجتماعي المختلفة، وذلك بعد تذمرها وغضبها من اسعار الدروس الخصوصية خاصة درس الكيمياء.

حيث شاركت داليا مصطفى فيديو عبر حسابها الرسمي بموقع تبادل الصور والفيديوهات انستجرام من خلال خاصية ستوري، تشكو فيه من اسعار الدروس الخصوصية، فقال: كنت بسأل صحبتي على درس الكيمياء لابني وحصلي صادمة جدا أما عرفت بالمبلغ اللي المدرس بياخده.. في الساعة الواحدة بياخد 700 و900 جنيه.

رد داليا مصطفى على منتقديها

وفي الحلقة ذاتها، حرصت الفنانة داليا مصطفى الرد على كل من هاجمها بعدما انتقدت أسعار الدروس الخصوصية في السناتر التعليمية.

حيث قالت داليا مصطفى: “طب أنا بتشتم ليه.. اه ممكن يكون أجري كويس ومستوايا كويس بس أنا مش بتكلم عن نفسي بس، ومحدش ليه دعوة وأنا حرة واللي أنا عايزة أقوله هقوله”.

وتابعت: “مش كل الفنانين أجورهم عالية.. وأنا مالي أن فلان أو فلانة بياخدوا رقم قياسي، أنا ما بخدش الأرقام دي.. وأجري دلوقتي أقل من اللي كنت باخده من 7 سنين فاته.. و مش بوصل للـ 750 ألف جنيه في الساعة زي اللي بياخدوه بعض المدرسين في السناتر”.