داليا مصطفي تهاجم المدرسين: أجري مش بيحصل 750 ألف زيهم

كشفت الفنانة داليا مصطفى عن تفاصيل معاناتها مع الدروس الخصوصية في مصر حيث أكدت أن حصص المراجعة النهائية لبعض المدرسين تصل إلى 750 ألف جنيه.

وأضافت في لقاءها مع الإعلامي شريف عامر في برنامج يحدث في مصر على قناة mbc مصر: «بنت أخت شريف زوجي، حسبت الساعتين للمدرسين الكبار في الكيمياء في حصص المراجعة النهائية اللي بيدوها على تطبيق زووم، قبل الإمتحان، فوجدت عدد اللي بيدفعوا الطلاب في ساعتين يصل لـ 750 ألف جنيه».

تصريحات داليا مصطفي

وتابعت: «في اللي بيهاجمنا ويقولي أنتوا بتاخدوا كام، إحنا مبناخدش 750 ألف في ساعتين، وده إجمالي مبلغ اللي حضروا كورس المراجعة النهائية في ساعتين في مادة لأي مدرس خصوصي كبير».

واستطردت: «كابتن بشير التابعي لاعب الزمالك المعتزل، قالي إبني في الجامعة وبياخد دروس خصوصية».

فيما تحدث الإعلامي شريف عامر عن تفاصيل حياته مع الدروس الخصوصية، قائلا: «والدي كان بيقولي عيد السنة بس متاخدش دروس خصوصية، وفي ثانوية عامة خدت درس عربي فقط».