بسمة وهبة تفتح ملف الإهمال الطبي في عيادات التجميل وعلاج السمنة

فتحت الإعلامية بسمة وهبة، في حلقة اليوم من برنامجها "90 دقيقة"، على قناة المحور، ملف الإهمال الطبي في عيادات التجميل وعلاج السمنة، وقالت: "هناك سيدات مصابات بما يسمى هوس عمليات التجميل، وللأسف بعضهن مات".

وأضافت وهبة: "سؤال يطرح نفسه، هل من الممكن أن يموت المريض بعد العملية أم أنها مجرد أوهام؟ وكم هي النسبة المئوية لوفيات عمليات التجميل مثل الشفط وشد الوجه وتحويل المسار والقص واللزق؟ للأسف نسبة الوفاة ليست قليلة وتحدث بسبب جلطات في الأوردة أو نزيف".

وتابعت: "موضوعي اليوم هو أخطاء الأطباء، كم أسرة قاعدة بتتفرج عليّ دلوقتي ممتلهاش قريب ولا صديق بسبب العمليات، عمليات التجميل اليوم بقت زي عمليات البقالة أو إيجار الغرف في الفنادق".

وواصلت: "عمليات التجميل النهاردة بقت غرفة العمليات الخاصة بها اسمها غرفة الموت، مش كلها، ولكن كثير منها، لأن المفروض الطبيب يكون له اسم وسمعة ومهارة، لكن دلوقتي كل واحد بيستسهل السبوبة زي السوشيال ميديا، ويروح ناحية التجميل مثل البوتوكس والشفط واللزق ويكون هو مش متخصص ولا عارف أو فاهم اللي بيعمله".