الرئيس السيسي لـ أصحاب مبادرة ابدأ: مستعد أدخل معاكم بالنص.. وهدفي أشجع الصناعة

شدد الرئيس عبدالفتاح السيسي، على أهمية العمل والإنتاج، قائلا: "عايزين البلد تقوم والناس تشعر بالازدهار"، منوها بأن وتيرة افتتاح المشروعات والإنتاج لا بد أن تكون أسرع، معقبا: "أنا بقالي 7 سنين في الشغلانة دي".

ووجه السيسي، خلال كلمته في افتتاح الملتقى والمعرض الدولي الأول للصناعة المصرية، اليوم السبت، رسالة إلى كل المشاركين في مبادرة ابدأ، قائلا: "بقول لكل الناس اللي في ابدأ.. أنا مستعد أدخل معاكم بالنص، وبعمل كده عشان اطمنك وأشجعك أن الدولة معاك".

وتابع رئيس الجمهورية: أوعى تفتكر إني عاوز أدخل معاك عشان عاوز أدخل معاك وخلاص.. لا أنا داخل عشان أشجعك إن فيه جزء من المخاطرة الدولة داخل معاك فيها، والله وأنا بحلف بالله، الهدف من اللي بقوله مفيش هدف غير إني أشجع قطاع الصناعة.