زوجة تبكي على الهواء: الراجل عنده 68 سنة وعايز يتزوج تاني.. وداعية يُعقب: ايش ياخد الريح من البلاط

لم يراعي زوجته ويُريد أن يتزوج من غيرها وهو في سن الـ 68 عامًا، وعرضت هذه المتصلة مشكلتها باكية عبر برنامج “بيت دعاء” المذاع على شاشة “تن” حيثُ عبرت عن حزنها الشديد في هذه الواقعة الحزينة واصفة الأمر بأن زوجها يتسم “بالندالة والغدر”.

وقالت المتصلة منهمرة بالبكاء، إنها تبلغ من العمر 60 عامًا متزوجة من 40 عامًا شاكية بأن زوجها يُريد الزواج بآخرى صديقته في العمل، ليعقب الشيخ أحمد المالكي الداعية الإسلامي عليها”ايش يأخذ الريح من البلاط”.

وأضافت الزوجة شاكية من بطش زوجها: “أنا كان عندي بنت معوقة فضلت أخدمها 22 سنة كان عندها شلل رباعي لحد ما ربنا أخذ وديعته وابني التاني كان عنده 28 متزوج وربنا توفاه، عشنا أيام حلوة ومرة وبعد موت ولادي عرفت بالصدفة وكنت بشوف هدايا وشفت رسالة من اللي عايز يتزوجها من 20 يوما".

وتابعت "هي كانت زميلته في الشغل وكان عايز يتجوزها من 16 سنة وأنا كملت معاهم في الشغل وسيبته علشان أهتم ببنتي وهو قالي عايز يتجوزها علشان معاها فلوس"، ليرد المالكي "هو عايز يرجع شبابه وهذا زواج مصلحة، اقعدي في البيت ولا تعيطي ولا حاجة لو عايز يتجوز سيبك قوليله روح اتجوز وده واحد رجل في الدنيا والتانية في القبر".