ميمي جمال لـ«بصراحة»: معنديش مانع إني اتبرع بالأعضاء بعد وفاتي لأن ده نوع من أنواع الإغاثة

كشفت الفنانة القديرة ميمي جمال، عن رأيها في مبادرة الفنانة إلهام شاهين في التبرع بالأعضاء بعد وفاتها، مشيرة إلى أن ذلك من أنواع الإستغاثة.

وقالت ميمي جمال في تصريح خاص لـ”بصراحة”: اذا كانت هتفيد، وأنا ممكن أساعد في إن الناس تخف ويبقوا كويسين، أنا عنديش مانع ليه لأ، أنا بعتبر إن ده نوع من أنواع الإغاثة، لو في حد تعبان ومحتاج حاجه، ولو موجوده ليه لأ.

وأضافت: حرمة الميت هي اه حرام، بس بعد التطور اللي حصل الناس بقت بتعتبر ده نوع من أنواع المساعدة، لو يفيد حد ويكون الحد ده ممكن يموت لو مخدتش الحاجه دي، لكن هو نوع من أنواع الإغاثة.

وواصلت: العقيدة عندنا حرام من زمان بس مكنش الزمن اتطور زمان، ومكنش طلعت الجراحة، ويغيروا القلب والكبد، وكان اللي بيموت خلاص محدش يجي ناحيته.

إلهام شاهين تتبرع بالأعضاء بعد الوفاة

من جانبه كانت قد كشفت الفنانةإلهام شاهين، أنها ستتبرع بأعضائها بعد وفاتها، مشيرة إلى أنها وثقت تبرعها في الشهر العقاري، وبلغت كل أقاربها وأخواتها بذلك.

وقالتإلهام شاهينخلال لقائها عبر فضائية “الشمس”:وثقت في الشهر العقاري أني متبرعة بأعضائي، ومبلغة إخواتي، وأنا أول واحدة ناديت بذلك وقبلي نادى بهذا الموضوع دكتور خالد منتصر، والأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم.

وواصلت:الأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم.

وأضافت:الأكيد إن ربنا مش ممكن يحرم شيء إنساني يرحم البشر من الألم، لا يمكن أصدق، في أشياء العقل والمنطق نفكر بيها، إيه اللي هيضر الإسلام بعد ما يموت إن تتاخد الأجزاء دي، أنا خلاص مت هعمل بيهم إيه؟ أي شيء إنساني يساعد الآخرين لازم يكون حلال.