الجمعة 30 سبتمبر 2022
حالا
رئيس التحرير
محمود سعد الدين

ميار الببلاوي لـ«بصراحة»: هعمل عمرة أستغفر لو أذيت شيرين.. وبقولها محدش بينجرح غير لما يحب

ميار الببلاوي  موقع بصراحة الإخباري
ميار الببلاوي

كشفت الفنانة ميار الببلاوي، عن اجرائها عمرة لتستغفر فيها عن ما قالته بشأن الفنانة شيرين عبد الوهاب، مشيرة إلى أن تحبها وتعتذر على مضايقاتها.

وقالت ميار الببلاوي في تصريح خاص لـ”بصراحة”: أنا هعمل عمرة وهستغفر عشان لو قولت كلمة أذيت بيها شيرين، او ضيقتها، وأنا بنصحها لوجه الله، وأنا لو قولت كلمة غلط فانا هستغفر عشان أنا مش حمل ذنوب، وأنا مغتبتهاش أنا كنت قاعدة قدامها، لأن اللي بيغتاب حد كأنه أكل لحم أخيه ميتًا، لكن أنا والله لم اغتابها، لكن ان شاء الله العمرة اللي هعملها هدعيلها ربنا يهديلها قلبها ويخلي ليها بنتها.

وواصلت: بقول لشيرين بمناسبة رجوعها أنت صح كده شيرين اللي احنا نعرفها، لما ترجعي لشغلك ودنيتك، يبقى أنت اللي نعرفها البنت الجدعة اللي ميتخافش عليها، اللي حصلك ده، طبيعي جدا يحصل للبنت الجدعة.

وأضافت: شيرين طلعت مع منى الشاذلي بتقول إن الجواز ده نهاية العالم، فلتسقط الرجالة، لا غلط بس هي قلبها حلو أوي وجميل واللي تحب بالطريقة دي زي مقولة “محدش بيحب أوي لما بيجرح أوي”.

وتابعت: وقريب اوي ربنا هيكرمها ويطبطب على قلبها، وبقولها قولي الدعاء، ام سلمة لما مات جوزها “اللهم زوجها خيرا مني ، وزوجني خيرا منها ، فزوجها الله لرسول الله صل الله عليه وسلم.

ميار الببلاوي تنهار من البكاء

من جانبه كانت قد انهارت الفنانة ميار الببلاوي على الهواء، وذلك بعد تصريحاتها الأخيرة عن شيرين عبد الوهاب، والذي فسرها العديد أنها تتنمر عليها.

وقالت ميار الببلاوي خلال لقائها ببرنامج “خط أحمر”: والله لا كنت عايزة أتصدر تريند ولا حاجة أنا زعلانة عليها، لكن خاني التعبير وانهارت على الهواء أثناء تقديم برنامجي بعدما أخبرني أحد الشيوخ أن ما قالته عن شيرين عبدالوهاب نوع من النميمة والغيبة.

وواصلت: آسفة وحقك عليا لو زعلتي، انهارت لما عرفت واحتمال أطلع عمرة عشان استغفر عن اللي قولته ومكنتش أقصد أتنمر عليها، وربنا أعلم إن كنت برد دين وعايزها ترجع تقف على رجليها (ما تفعله شيرين في نفسها كتير)، هو عايش حياته، وهي منهارة ومدمرة وبتاخد أدوية اكتئاب، ووزنها زاد.

Go to top of page