عمرو أديب يعلق على فاتورة الساحل: بص في ورقتك يا باشا.. لو عايز أدفع وكع

علق الإعلامي عمرو أديب، على انتشار فاتورة لوجبة فول وطعمية في الساحل تتعدى الألف جنيه.

تصريحات عمرو أديب

وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة: "تقوم تلقى حد حاطط فاتورة مطعم ويتعجب من الأسعار، هل أنت رايح المكان ومتوقع أنهم يوزعوا الأكل مجانًا".

وأضاف:”لينا في المصيبة اللي إحنا فيها الدولة والشعب تسارع أزمة اقتصادية طاحنة، حاول تركز بص في ورقتك يا باشا ماتتكلمش مين اشترى فيلا ومين كل في طعم وفاتوته كام".

وأكد "أديب"، أن نشر بعض الأشخاص الفواتير المرتفعة لبعض المطاعم في الساحل الشمالي هو أمر يثير الغضب والاستهجان، مشيرا إلى أنه لا يمكن لأحد أن يشتري شيئا دون أن يعلم سعره.

أسعار الساحل الدوبل

وتابع "أسعار الساحل الدوبل لأنه عنده وقت قصير وعنده عمالة وعنده إيجار فهو كله على الزبون، أنت عايز تتقمع وتقعد في المكان الفلاني يبقى أنت عايز ده لو عايزه ادفع وكع مش عايز امشي روحت مكان واكتشفت أنهم بيبعوا سلعة معينة بسعر غالي قوم امشي".

عمرو أديب يعلق علىفاتورة الساحل

واستطرد "أنت جاي هنا ليه انت داخل المكان ده ليه عايز تستمتع هو الراجل حر يحط الأسعار اللي هو عايزها، هو عايز يبيع كده الطبق عندهم ملكش دعوة وملكش فيه، وبعدين فيه ناس في الساحل رجعت لأيام زمان وبتجيب الأكل وتعمله في البيت في أسواق كتيرة عند العرب في المنطقة والواحد لازم يسأل قبل ما يشتري أنا نفسي بسأل على السعر قبل أي حاجة".