من ربنا يجمع هدومي وهدومك في غسالة واحدة لـ سرقوا هدومي.. القصة الكاملة لـ رومانسية منة عرفة ومحمود المهدي قبل الانفصال

تصدرت أزمة انفصال الفنان محمود المهدي، عن زوجته منة عرفة، مشرات البحث جوجل في الساعات الأخيرة، وذلك بعد اعلان الثنائي انفصالهما بشكل رسمي.

ولكن وراء تلك العلاقة عبارات رومانسية، كثيرة اسهمت في استمراراها، ولكن كانت النهايات غير ما كان يدور بين الثنائي، ونرصد لكم في السطور التالية، القصة الكاملة لانطلاق العبارات الرومانسية، إلى انتهاء العلاقة “بسرقوني”.

القصة الكاملة لرومانسية منة عرفة ومحمود المهدي

بدأت قصة الرومانسية بين محمود المهدي ومنة عرفة بـ”ربنا يجمع هدومي وهدومك في غسالة واحدة”، حيث قالها المهدي لمنة قبل الزواج، لترد عليه منة: أمين يارب.

وعادت الرومانسية من جديد في منشور لمنة قالت فيه: إلى زوجي ورجل أحلامي، في كل موقف صعب بيعدي علينا بتثبتلي فيه إنك راجل مفيش منه كتير وفي كل لحظة حلوة بتعدي ما بيننا بنبهر بـ قد إيه أنا إنسانة محظوظة، وربنا بيحبني عشان رزقني براجل زيك.

وواصلت: أنت السعادة و الفرحة والأمان اللي كنت محرومة منهم عشان مكنتش في حياتي يا حياتي، أنت هديتي من ربنا اللي كل يوم وكل لحظة بشكر ربنا عليها، أنت العوض اللي كنت مستنياه طول حياتي، غيرتني وغيرت حياتي كلها للأحسن، جيت بدلت كل الحزن و الوجع والخوف بحب وأمان واستقرار وذكريات حلوة زيك.

وتابعت منة عرفة: أنت أرجل وأجدع وأحن وأحلى راجل أنا شفته في حياتي، ربنا يديمك أحلى نعمة في حياتي ويخليك ليا وميحرمنيش منك ويحميك من كل شر ويسعدك ويفرح قلبك زي ما دايما بتفرحني.

واختتمت: كل الكلام ده ميوصفش 1% من حبي واحترامي ليك بجد بحبك يا توأم الروح والشكل يا من تنتمي له روحي ووجداني وهويتي.

انتهاء علاقة محمود المهدي ومنة عرفة

ولكن لم تنتهي العلاقة كما بدأت حيث كان قد كشف المهدي عبر حسابه الرسمي بموقع التواصل الاجتماعي “انستجرام”، سبب الطلاق، وقال:تم الطلاق خلاص للأسف كان فيه خيانة وعديتها وأضحك عليا في أول الجوازة وقتها علشان أحافظ على بيتي سكت وغير أمها سبب خراب البيت بسبب الفلوس عشان هيا اللي بتصرف عليها وبسبب أني كنت رافض تشتغل في المجال ده وأمها مكنش عندها مانع تتنازل في المجال مقابل الفلوس، وخدوا عربيتي.