أرملة إسماعيل الليثي تعلن خطوبتها: مش هعرف أعيش من غير راجل

أعلنت شيماء سعيد أرملة المطرب الشعبي الراحل إسماعيل الليثي خطوبتها، في خطوة أثارت تفاعلًا واسعًا عبر مواقع التواصل الاجتماعي، مؤكدة أنها تحتاج إلى وجود شخص يكون سندًا لها في الحياة، ويمنح أبناءها الأمان والدعم، قائلة: «محتاجة ضهر وأب لعيالي»، في إشارة إلى رغبتها في استكمال حياتها وتوفير الاستقرار لأسرتها بعد رحيل زوجها.

وقالت شيماء سعيد في لايف عبر حسابها بتطبيق “تيك توك”: أنا مش هخبي عليكم، وأقولكم إني مش هتجوز، أنا محتاج ضهر، ويوم ما افكرت اتجوز، اتجوزت أب لعيالي محترم يكون بيخاف علينا ، بناكل إيه وبنشرب إيه، وكل يوم يكلم أخويا مصطفى بساعة والساعتين، ويقوله مش هينفع  قبل السنة ، احتراما للميت، وأنا في الحقيقة مش هعرف أعيش من غير راجل. 

وأضافت: أنا مباخدش راجل من مراته، أو ببني سعادتي على حساب حياة حد، ويوم ما اقررت افتح باب الجواز تاني، قولت عمري ما هتجوز واحد متجوز، وأخده من مراته وعياله، ويقبل بيا زي ما أنا، وحقي أعيش مستقرة، وأنا لو واحدة كبيرة في السن مش هتجوز، لكن مفرحتش، وحياتي نكد في نكد، مفيهاش يومين حتى فرح. 

وتابعت: بقالي 5 شهور محجوزة من أبويا وأخويا، وهما وأمي احتراما للميت قالوا مش هيتم أي حاجة قبل سنة، والراجل قاعد مستني بقاله 5 شهور، وقايل لأخويا طيب دبلة ومحبس ولبسهم لها أحسن، وبعت جابهم وأخويا لبسهم لي، ومشوفتوش ولا هو شافني، وقولت مش هيحصل غير قبل السنة، احتراما لجوزي إسماعيل، لأنه ما يتنسيش. 

وفاة إسماعيل الليثي

توفى إسماعيل الليثي 10 نوفمبر 2025 عن عمر ناهز الـ 36 عاما إثر تعرضه لحادث سير مأساوي.