سمية الخشاب: أتمنى حوار قايمة الزواج يبقى حقيقي والراجل لو مش جاهز ميتجوزش

علقت الفنانة سمية الخشاب، على طلب إلغاء قائمة المنقولات الزوجية، وذلك من خلال تغريدة لها عبر حسابها الشخصي بموقع التغريدات القصيرة “تويتر”.

وكتبت سمية الخشاب:أتمنى حوار القايمة ده يبقى حقيقي عشان حقيقي هكون ممتنة، وشايفة إنها حاجة ملهاش أي لازمة زيها زي الأفراح اللي بيتصرف فيها مبالغ خيالية عشان شوية منظرة وشكليات.

وواصلت:الراجل ملزوم يجيب كل حاجة يا إما لو مش جاهز ميتجوزش، أصلها مش شطارة هي.

سمية الخشاب تدعم الثانوية العامة

وفي وقت سابق، تحدثت الفنانةسمية الخشابعن دعمها لطلبة الثانوية العامة خلال الفترة الأخيرة، قائله: “أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها”.

وقالتسمية الخشابفي مداخلة هاتفية لبرنامج "خلاص صحينا" من تقديم مارينا المصري عبر محطة نجوم إف إم: " لو هيكون لي لقب أحب يكون (بنت البلد)، وبقول لطلبة الثانوية العامة ما تقلقوش وما تخافوش، والثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها".

وتابعت سمية الخشاب: "أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد".

واختتمت بأنها بتحضر لمسلسل قريب وهيكون حاجة مختلفة جدا إن شاء الله، وعندي أغنية جديدة هتقلب الدنيا.