اللى واقف معاكم في العربى هنلمه فى تويتين.. 5 نصائح من سمية الخشاب لطلاب الثانوية

قررت الفنانة سمية الخشاب، أن تتولى مسؤولية، مساعدة الطلاب في الثانوية العامة، خاصة لشعورها الشديد بالرهبة والضغط النفسي، الذي تسببه لهم الثانوية.

وقررت تقوم بدور المعلم، والمدرس، الذي يوجه العديد من الارشادات والنصائح للطلاب في مرحلة الثانوية العامة، وذلك قبل امتحان مادة اللغة العربية.

ونشرت سمية الخشاب، العديد من النصائح للطلاب، قبل امتحادة اللغة العربية، عبر حسابها الرسمي ، بموقع التغريدات القصيرة"تويتر"، وكتبت، قائلة :"حبايبي ربنا معاكوا في العربي، متنسوش انه طه حسين كان بياكل بيض وبصل وان الارانب كانت بتنط من فوق السور".

وأضافت:"كان بياكل كمان، وعسل اسود ، وكان بيغطي رجليه كويس عشان العفاريت متعبثش بصوابعه".

وتابعت :"ايه اللي واقف معاكوا في العربي؟ هنلموا فتويتتين ابعتولي بس".

وأكدت سمية:" التعليم موهبه مش مهاره، عشان كده دايما بقولكم ارضوا باي نتيجه عشان اكيد جواكوا موهبه هتطلعوها فايا كان الcareer ايه".

وأوضحت سمية، قائلة:" عندنا ٦ مدارس ادبية، كل واحدة بتتكون من ٦ نقاط برضه، أي مدرسة أدبية هيبقي فيها شعراء، وهيبقي فيها وحده، واكيد لغة وموسيقى (وزن وقافيه) وبيبقي طغي فيها الصياغة علي المضمون او العاطفه على الافكار وفي موضوعات، هنمسك واحده واحده نلمها فشوال".

وتابعت:"المهاجر، جبران وايليا ابو ماضي، بيتمسكوا بالوحدة العضوية، بيستخدموا اللغة الحية وتساهل في اللغة العربية (مهاجرين بقي وايزي يعني مش هيستخدموا كلام معقرب اكيد)، قافية مزدوجه (مهاجرين فعندهم جنسيه مزدوجه)، عندهم عاطفة حادة ونزعه روحيه، والشعر عندهم فيه حنين الي الوطن (عشان مهاجرين)".

واختتمت حديثها، قائلة :" الواقعيه، ابراهيم ابو سنه وامل دنقل، عندهم وحده موضوعية، موضوع واحد يعني وعاطفة متنوعه، وعندهم اسراف في اللغة الواقعيه اللي بتميل للرمز والغموض، بيعتمدوا على وحدة التفعيلة (مش القافية المزدوجة زي الباقي)، طبعا الفكر الواقعي بيغلب، وبيتكلموا عن هموم الناس والموت (كله عن الواقع)".