"المشاعر انعدمت".. سمية الخشاب تعاني من حالة نفسية سيئة بسبب الحب

يبدو أن الفنانة سمية الخشاب، تعاني من حالة نفسية سيئة، بسبب الحب، وعدم وجوده في اعتقادها في الوقت الحالي، وذلك واضح من خلال منشوراتها عبر حسابها الرسمي بموقع التغريدات القصيرة"تويتر".

سمية الخشاب

وكتبت سمية الخشاب عبر حسابها بموقع "تويتر"، قائلة:"اللي يلاقي حد serious فاي حاجه يمسك فيه بايده وسنانه".

وأضافت:"معدش فيه حد بيحب حد بدون مقابل أيا كان نوع الحب ايه".

وتابعت:"المشاعر انعدمت في الزمن ده والله".

سمية الخشاب تدعم الثانوية العامة

وفي وقت سابق، تحدثت الفنانةسمية الخشابعن دعمها لطلبة الثانوية العامة خلال الفترة الأخيرة، قائله: “أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها”.

وقالتسمية الخشابفي مداخلة هاتفية لبرنامج "خلاص صحينا" من تقديم مارينا المصري عبر محطة نجوم إف إم: " لو هيكون لي لقب أحب يكون (بنت البلد)، وبقول لطلبة الثانوية العامة ما تقلقوش وما تخافوش، والثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها".

وتابعت سمية الخشاب: "أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد".

واختتمت بأنها بتحضر لمسلسل قريب وهيكون حاجة مختلفة جدا إن شاء الله، وعندي أغنية جديدة هتقلب الدنيا.