يسرا: الناس في العالم كله متفقين على قيمة مهرجان الجونة ومكانته

أكدت الفنانة يسرا أن مهرجان الجونة السينمائي الدولي نجح على مدار تسع سنوات في ترسيخ مكانته كحدث سينمائي عالمي، مشيرة إلى أن هناك جهودًا تُبذل طوال العام من أجل تنظيم المهرجان وخروجه بأعلى مستوى. وانتقدت اختزال البعض للمهرجان في فعاليات «الريد كاربت»، مؤكدة أن السجادة الحمراء ليست ابتكارًا جديدًا، وإنما جزء أصيل من المهرجانات والفعاليات الفنية منذ زمن طويل.

وقالت يسرا خلال المؤتمر الصحفي للإعلان عن تفاصيل الدورة التاسعة من المهرجان: مش مصدقة إن إحنا بقالنا 9 سنين وداخلين في الـ 10 ، ما شاء الله اللهم بارك، والناس بتختصر مهرجان الجونة في الريد كاربت، ومفيش كده، لأنه فيه ناس بتشتغل طول السنة ، علشان تعد المهرجان على أعلى مستوى اللي أصبح عالمي مش محلي، لأن الناس في العالم كله متفقين على  قيمة مهرجان الجونة ومكانته، وفكرة الريد كاربت دي مش جديدة، وحاجة موجودة من قديم الأزل مش احنا اللي  بدعناها هي كده كده موجودة.