بعد خروجه من كأس العالم..داليا البحيري تدعم المنتخب المصري: ألف مبروك للمنتخب المصري الرجالة اللي شرفونا ورافعوا راسنا

أعربت الفنانة داليا البحيري عن دعمها الكامل للمنتخب المصري عقب خسارته أمام منتخب الأرجنتين، وخروج من مونديال كأس العالم 2026.

وقالت داليا البحيري خلال فيديو نشرته عبر صفحته الرسمية بموقع التواصل الاجتماعي “انستجرام”:  “كانت ليلة صعبة أكيد علينا كلنا، ناس كتير أوي معرفتش تنام إحساس بالقهر والظلم، ولكن بالرغم من كل حاجة حصلت إمبارح ألف مبروك للمنتخب المصري الرجالة اللي شرفونا ورافعوا راسنا، ووروا العالم كلها  إن مصر قادرة على أنها تاخد كأس العالم، وتغلب الأرجنتين اللي كانت المفروض بطل العالم، أنا ماليش في الكورة اوي بس دايما بشجع مصر في الحاجات الكبيرة، بس اللي أنا فهمته أنه كان صعب جدًا نكسب إمبارح لأسباب مالهاش أي علاقة بالكورة. 

وأضافت: مكنش ينفع نكسب لأن في حاجة اسمها مراهنات بتحصل على الفرق وكله راهن على ميسي لأنه بطل عالم، فكان هيبقى في خسارة كبيرة بالملايين وطبعا هما مش هيسمحوا بده يحصل، ده غير العنصرية وأن ميسي هو الفتى المدلل للفيفا، ده كان فُجر كروي، الناس اللي بيفهوا في الكورة في العالم كله إتكلموا إمبارح وعملوا تويتات، وإن اللي حصل كان سرقة لمصر.

واختتم: كفاية أن العالم كله اتكلم على إن قد ايه إحنا كنا نستاهل أننا نكسب ونتأهل، عايزة احيي مصطفى شوبير اللي هو كان بطل وحقيقي عمل ماتش خطير، أحنا فخورين بلاعبيتنا كلهم، كابتن حسام حسن أنت راجل وأنا احترامي ليك زاد كتير، وأنك ترفع علم فلسطين وردهم عليك أنك تتسرق بالشكل ده قدام العالم كله ده أكبر دليل على عنصريتهم، كفاية إن إحنا رعبناهم كسبنا إنسانيتنا وتعاطف العالم كله، بدعو الناس كلها تفرح من قلبها واللي يقدر يروح يستقبل فريقنا الوطني يعمل كده وميتأخرش”.

خروج مصر من كأس العالم 2026

ودّع منتخب مصر منافسات كأس العالم 2026 من دور الـ16، بعدما تلقى خسارة أمام منتخب الأرجنتين بنتيجة 3-2، في مواجهة قوية أقيمت على ملعب "إن آر جي" بمدينة هيوستن الأمريكية. وقدم المنتخب المصري أداءً قويًا أمام أحد أبرز المنتخبات المرشحة للتتويج باللقب، حيث نجح في مجاراة المنافس وفرض أسلوبه خلال فترات من اللقاء، قبل أن يتمكن المنتخب الأرجنتيني من العودة في النتيجة خلال الدقائق الحاسمة وحسم بطاقة العبور إلى الدور ربع النهائي.

ورغم انتهاء مشوار "الفراعنة" في البطولة، نال الأداء المصري إشادة كبيرة من الجماهير والمتابعين، بعدما ظهر المنتخب بصورة مشرفة أمام بطل العالم، وأكد قدرته على المنافسة أمام كبار المنتخبات. وترك منتخب مصر بصمة إيجابية خلال مشاركته في المونديال، خاصة بعد تجاوزه دور المجموعات وتقديم مستويات قوية عكست التطور الملحوظ في الكرة المصرية على الساحة الدولية.