إختيار أغنية "الإحتياج وحش" لـ تامر حسني الأفضل لعام 2025

عبر  النجم تامر حسني عن سعادته البالغة بعد إختيار أغنيته الإحتياج وحش كأفضل أغنية لعام 2025، وفقا لما أعلنته منصة بيلبورد.

ونشر تامر حسني صورة له من الأغنية عبر حسابه الرسمي بموقع تبادل الصور والفيديوهات "انستجرام"، وعلق عليها قائلا: "خبر جميل فرحني لأن الأغنيه دي حقيقي أغنيه فنيه مميزة يمكن مش أعلى المشاهدات بس انا واثق ان ليها عشاق بيحبوا و بيقدروا النوع الساخر ده لما يتكلم عن أوجاع كبيرة موجوده على نهج " هم يضحك “ شكراً لصناع الأغنية، الشاعر محمد القاياتي، الملحن بلال سرور، الموزع علي فتح الله ، أتمنى اللي مسمعهاش يسمعها أو يتفرج عليها كليب تاني و يركز فيها و يفهم إزاي القلب ممكن يكون سبب كل حفرة بتقع فيها، اسم الأغنيه “الاحتياج وحش”، كل الشكر لجمهور الأغنيه و كل الشكر لمنصة بيلبورد عربية، و طبعاً شكراً للراجل الجميل اللي شقي ورايا اللي لابس القلب الأحمر”.

الاحتياج وحش 

وكان تامر حسني في يوليو الماضي، قد طرح أغنية “الاحتياج وحش” عبر اليوتيوب، وجميع المنصات، وحقق 8.9 مليون مشاهدة في 5 أشهر.

وتعتبر أغنية الاحتياج وحش من كلمات محمد القاياتي، وألحان بلال سرور، وميكس وماستر علي فتح الله.

كلمات الأغنية

وتقول كلمات أغنية الإحتياج وحش 
الاحتياج وحش والذكريات أشباح معششه في نفوخنا خايفين نحب جديد وملصمين شروخنا.

 لفينا ساقيتك ياحب لغاية لما دوخنا داخلين بحاجه ساقعه خارجين بعلقه سخنه عايز تلم منه لم OPEN BUFFET الناس في صنف يكون زي العسل وصنف كان يسم الرك على النقاوه.

 كل أما أقول فرجت خلاص هتهنى و هستجم أخد حتت شالوت في وشي ما بقولش بم بمنتهى الغباوة الاحتياج وحش ارحمني يا احتياجي مش كل مره تنده أتشك في قلبي واجي انت بتحفر لي الحفره وبقع فيها بمزاجي لا عملت حساب طلوعي.

 ولا حتى حساب علاجي الاحتياج وحش ارحمني يا احتياجي مش كل مره تنده أتشك في قلبي واجي انت بتحفر لي الحفره وبقع فيها بمزاجي لا عملت حساب طلوعي ولا حتى حساب علاجي قلبك مربوط في ساقيه ومتغمي وعمال يلف لازم النهايه تبقى جرح وما بيرضاش يخف لازمله حدث درامي.

 الوحدة خانقه بتجبر الواحد يروح يحب فيروح الحب نازل فوق دماغه ديب ديب كأنه مسك حرامي الناس أوبن بوفيه عايز تلم منه لم في صنف يكون زي العسل وصنف كان يسم الرك على النقاوه كل أما أقول فرجت خلاص هتهنى و هستجم أخد حتت شالوت في وشي ما بقولش بم بمنتهى الغباوة