مؤتمر توروب: قررت منح فرصة المشاركة للاعبين الشباب في كأس عاصمة مصر.. ولا أهتم بالفوز في مباريات هذه البطولة

أعرب الدنماركي ييس توروب المدير الفني للنادي الأهلي، عن رضاه التام على أداء لاعبي فريقه أمام غزل المحلة في كأس عاصمة مصر، رغم الخسارة بنتيجة 2-1.

مؤتمر ييس توروب

قال الدنماركي ييس توروب: “قررت تغيير فلسفتي، في بطولة كأس عاصمة مصر، من البحث عن الانتصار في كل مباراة إلى منح فرصة المشاركة للاعبين الشباب”.

وتابع عبر المؤتمر الصحفي عبر مباراة غزل المحلة: “مثل هذه المباريات تكون فرصة للاعبين الناشئين والشباب، حيث يجب أن يعرفوا ما ينقصهم لأخذ خطوة مع الفريق الأول”.

وأكمل: “رأيت أداءً جيدًا من لاعبي الأهلي الشباب في مباراة اليوم، كما أشكر الجماهير على تحية اللاعبين قبل المباراة ودعمهم”.

وزاد: “الهدف من لعب كرة القدم هو تحقيق الفوز، ولكن هذه البطولة فرصة لمشاركة اللاعبين الشباب في التدريبات والمباريات مع الفريق الأول”.

وأضاف: “أرى أن اللاعبين الشباب في الأهلي تأقلموا مع خطتنا، وهذا منحني شعورًا بأن اللاعبين لديهم ما يستطيعون تقديمه للفريق الأول”.

تصريحات ييس توروب

وأوضح: “اللعيبة خدت فرصة واتمرنت الفترة اللي فاتت بشكل كويس، والنهارده خدوا فرصة كويسة جداً إنهم يلعبوا قدام فريق زي ده، بيدي فرصة للاعبين الشباب بتوعنا إنه يشوف هو ناقصه إيه عشان ياخد خطوة أكبر بعد كده مع الفريق الأول”.

وذكر: “شفت أداء كويس جداً من لعيبتي النهاردة، وأنا سعيد بالأداء ده وسعيد بالجماهير اللي حضرت، اللي حيوا اللعيبة وشجعوهم قبل الماتش، وأنا قلت قبل كده إن الهدف من لعب كرة القدم دايماً هو تحقيق الفوز، لكن برضه في نفس الوقت أنا شايف إن البطولة دي فرصة كويسة أوي للعيبة الشباب اني نديهم فرصة”.

وواصل: “أنا شايف إنهم تكيفوا بشكل كويس جداً مع طريقتنا في الأداء، هم بس كان ناقص إنهم ممكن يسجلوا جولين النهارده ونكسب الماتش”.

وأتم: “إحساسي إن اللعيبة دي عندها حاجة تقدر تقدمها وأقدر أشتغل عليها، من خلال اللاعبين الشباب اللي موجودين من قطاع الناشئين ده”.