مونيكا مجدى ردا على فشلها في حصد الأصوات في دائرتها: حملتى الانتخابية كان بها أخطاء وأنا لست ظاهرة في المجتمع

قالت مونيكا مجدى ، المرشحة الخاسرة في انتخابات مجلس النواب عن دائرة شبرا وروض الفرج أن رصدها للمخالفات في الانتخابات جاء حباً لبلدها ولرغبتها أن يخرج المشهد الانتخابى بشكل جيد.

في ناس بتعتبر المرشحين "سبوبة" ماكينة ATM ماشية توزع فلوس على الأرض

وردا على سؤال حول مبالغتها في رصد المخالفات الانتخابية بالرغم من وجود مرشحين آخرين رصدوا نفس المخالفات وليس بنفس قدر مبالغتها قالت مونيكا مجدى في لقاء ببرنامج السياسة أسرار مع الإعلامية هند مختار على شاشة قناة هي: مؤسسات الدولة ليس لها علاقة بما يحدث خارج المدارس بشكل فردى ولكن تصرفى جاء بسبب غيرتي على بلدى وأنا حاسة إنى عندى رسالة عايزة أقدمها للمجتمع ولأهل دائرتى.

مونيكا مجدى بعد خسارتها في الانتخابات: في ناس خذلتنى

وتابعت: لو حصل إعادة في الدائرة الانتخابية من الممكن أن انسحب من الانتخابات ، متابعة ردا على فشلها في تحويل التريند والدعم الذى تلقته لأصوات على أرض الواقع في صناديق الاقتراع: أنا مافشلتش أنا وصلت للناس ولكن ضعف المشاركة هو اللى ظلمنى على أرض الواقع ..وأنا معملتش "شو" لأن أنا بنت ومش هعرض حياتى للخطر في السياسة ولو هدفى ده كنت هعمله في مجال تانى، ممكن الشو يتعمل لو حد بيشتغل محامي فا عايز الناس تعرفه لكن انا مش هعمله في السياسة كما تابعت أن هناك الكثير خذلها .

وقالت مونيكا مجدى : أنا مش ظاهرة في المجتمع وأنا بحلم إنى اعمل حاجة حقيقية لبلدى واللى خذلنى بقول ظروفه خلته يعتبر الانتخابات " شغلانة" كسبوا منها وكان في ناس معايا وسابتنى وراحت لمرشحين آخرين بسبب الفلوس.

وقالت مونيكا مجدى: أنا تربية الصعيد وقلبي جرئ وأنا من محافظة قنا ومش بخاف من حد وجد والدتى شيخ بلد ونزولي الشارع لأنى مابخافش ومش بتعامل إنى بنت".

واستطردت: الناس علشان تؤمن بحد لسه إمكانياته مش كبيرة ده بياخد وقت وأكيد في أخطاء في حملتى الانتخابية وحاجات تحتاج دراسة أكتر .