هذا المنتخب ولد يتيما.. حلمي طولان من المؤتمر الصحفي بعد الهزيمة من الأردن بثلاثية نظيفة

خرج المنتخب المصري من البطولة العربية بعد الهزيمة بثلاثية من منتخب الأردن وتوديع المجموعات بلا أي فوز وبنقطتين فقط .

تصريحات حلمي طولان في المؤتمر الصحفي 

 وقال الكابتن حلمي طولان في المؤتمر الصحفي لمواجهة الأردن :"أنا بتحمل المسؤولية الكاملة على هذا الأداء والخروج من البطولة، وهذا الفريق ولدا يتيماً"

وصرح :" وبوجه التحية لإتنين بس، لأن هما اللي وقفوا جنب هذا الفريق، المهندس هاني أبو ريدة وإعلامي واحد وهو الكابتن مدحت شلبي."

كنا الأفضل ولكن عدم التوفيق 

وأكد أن :"الكورة فيها توفيق وعدم توفيق ، هما من ثلاث فرص سجلوا أهداف منهم ضربة جزاء ،واحنا من سبع فرص مسجلناش.

 وتابع :" الأولاد عملوا اللي عليهم ومش عايز احملهم فوق طاقتهم  ،المنتخب ده ولد يتيما واتقالنا إحنا جايين نلعب مباريات ودية ومش رسمية"

 واستعجب من أن:" كل المنتخبات العربية اللي شاركت وقفت الدوري إلا الدوري المصري قالولنا دي بطوله ودية مش هأجل ماتشات علشانها"

أنا أتحمل المسؤولية كاملة

  وقال :"أنا اللي في مرمى النيران حالياً، لكن اللي يتحمل مسئوليه كل اللي حصل ده والإهانة دي، هو الشخص اللي رفض يأجل مباريات الدوري المصري ورفض دعم المنتخب المشارك في كأس العرب"

وتابع :" أنا كلفت من قبل اتحاد الكرة المصري بالمهمة دي من ثلاث شهور لعمل قائمة ومنتخب جديد، جيت اروح البطولة قالولي لا إحنا نأجل للأهلي نأجل للزمالك نأجل للمصري ماتشات لكن بيراميدز لأ"

واختتم :" أنا في 7 لعيبه راحوا مني بسبب رفض تأجيل مباريات الدوري ،كل المنتخبات اللي شاركت، الدوري عندهم وقف إلا بلدنا مصر .. اسألوا ليه؟"

لتنتهي المباراة بفوز النشامة وتأهلهم لدور الثامنية وإقصاء منتخب مصر من دور المجموعات بدون أي انتصار وبنقطتين فقط .