توفيق عبد الحميد يستغيث بالمسؤولين: شقتي مغلقة منذ 15 عامًا وتمت معاقبتي بمخالفة مياه بـ20 ألف جنيه

وجّه الفنان القدير توفيق عبد الحميد استغاثة إلى المسؤولين، طالب فيها بإعادة عداد المياه الخاص بشقته في محافظة الإسكندرية، والذي تم إزالته رغم التزامه بسداد الفواتير على مدار سنوات، رغم عدم استخدامه الفعلي للعقار منذ ما يقرب من 15 عامًا.

وقال توفيق عبد الحميد في منشور عبر حسابه الرسمي على موقع التواصل الاجتماعي "فيس بوك": "شقتي في منطقة العصافرة بحري، شارع أطلس. كنت بسدد فواتير المياه لفترة طويلة رغم إنها كانت باهظة وغير منطقية، وده كله وأنا أصلاً مابروحهاش، وفوجئت بعد كده إنهم شالوا عداد المياه!"

مخالفة بـ 20 ألف جنيه رغم غياب تام عن الشقة

وأضاف الفنان أنه تفاجأ لاحقًا بتحرير مخالفة استخدام مياه بشكل غير قانوني بقيمة 20 ألف جنيه، رغم أن الشقة مغلقة بالكامل ولم تُستخدم طوال هذه السنوات، قائلاً: "كل ده والشقة مقفولة من زمان.. ممكن تتأكدوا من عداد الكهرباء، مفيش استهلاك، لأن فعلاً ماكنتش موجود فيها خالص".

وفي لهجة تحمل مزيجًا من الحنين والوجع، أوضح عبد الحميد سبب ابتعاده عن شقته قائلاً: "أنا خاصمتها لأنها كانت بتشوف البحر من كل ناحية، وبعد كده الوضع اختلف، وبقت كمان مجروحة، وأنا كمان بقيت مريض، فبعدت عنها.. مروحتهاش بقالي حوالي 15 سنة".

نداء مباشر للمسؤولين

واختتم الفنان  توفيق عبدالحميد رسالته بنداء عاجل إلى مسؤولي مرفق المياه قائلاً: "ينفع كده يا إسكندرية؟! يا رئيس مرفق مياه المنتزه؟! أنا عايز عداد المياه بتاعي يرجع ويتحط في الشقة تاني".