الشيف هالة فهمي: مستشفى الناس صرح يتميز بالنظافة والرقي ويستحق دعمكم بالتبرعات

أجرت الشيف هالة فهمي، مقدمة برنامج الطبخ «ست الحبايب» على قناة «هي»، زيارة هامة لمستشفى الناس الخيري لعلاج أمراض القلب والجهاز الهضمي والسكرى والحروق بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية بالتخصصات المختلفة والخدمات الطبية المجانية التي يقدمها الصرح الطبي الكبير.

تضمنت زيارة الشيف هالة فهمي، لمستشفى الناس، جولة تفقدت خلالها غرف الأطفال المرضي، وتعرفت على الخدمات الطبية المقدمة لهم، كما التقت عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولتها، تعرفت مقدمة برنامج الطبخ «ست الحبايب» على قناة «هي»، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.

وأشادت الشيف هالة فهمي، مقدمة برنامج الطبخ «ست الحبايب» على قناة «هي»، بمستوى الخدمات الطبية المتكاملة المقدمة في مستشفى الناس، حيث قالت: «أنا النهارده في تجربة أول مرة أكون موجودة فيها، وبحمد ربنا إنه اختارني أكون النهارده في مستشفى الناس، في شبرا، مستشفى الناس كانت في الأول للأطفال، دلوقتي للأطفال وكمان للكبار، وبتستقبل وتعالج الحالات الصعبة جدًا، والحالات الحرجة جدًا، شوفت النهارده أطفال حالتهم صعبة، بعد عمليات القلب المفتوح، والجهاز الهضمي، وكمان بقى في قسم الحروق انضم ليهم».

وقالت: «أول ما تدخلوا الصرح العظيم ده مستشفى الناس، تحسوا كأنكم انعزلتم عن العالم كله، قد إيه النظافة والشياكة، والرقي في التعامل، كل الموجودين بيتعاملوا على إن المكان بيتهم وبتاعهم، من العامل الموجود للدكتور الكبير، الكل بيتعامل على إن كل فرد موجود وجاي يتعالج على إنه ابنه أو أخوه أو أمه أو بنته، كل الناس الموجودة فعلا بتتعامل على إن المكان بيتها».

وأضاف: «أنا لغاية اللحظة دي منبهرة باللي شوفته النهارده، وفعلا أنا هفضل أحمد ربنا إنه إداني الفرصة أدخل مستشفى الناس، وأشوف الجمال ده، وأشوف الناس دي بتتعامل ازاي، إيه كمية الحب اللي فيها سواء للناس اللي بتتعالج أو للمكان نفسه، ولما نزلت المطبخ، قولت إيه النظافة دي؟، وإيه الفكر ده؟ فكر عالي جدا، فكر يمكن سابق المرحلة اللي احنا فيها بجد».

وتابعت: «أنا بدعوكم كلكم يا جماعة لازم تشوفوا مستشفى الناس، تشوفوا الصرح الكبير العظيم اللي موجود في بلدنا دلوقتي، وكمان بدعوا كل أصحاب الخير، وكل القلوب الرحيمة، النهارده أي قرش هنتبرع بيه لمستشفى الناس هو في مكانه بالظبط، تعالوا شوفوا بنفسكم واحكموا وهتعرفوا إن كل قرش هيتحط النهارده في مستشفى الناس للأطفال وللكبار هو في مكانه بالظبط، وإن شاء الله ربنا يجازيكم كل خير عليه، لأن المكان ده يستحق دعمنا كلنا، ويستحق إن احنا كلنا نقف وراه، ونقف ورا كل الناس اللي موجودة فيه».

واختتمت حديثها: «هستناكم.. وإن شاء الله هيبقى في تجربة تاني لينا، وبإذن الله كمان هنقف كلنا معاهم مع كل الناس اللي موجودة سواء اللي شغالة أو الناس كمان اللي بتتعالج هنا، كل الناس اللي موجودة في مستشفى الناس تستحق الدعم من قلوبنا».

يأتي هذا فيما تبلغ مساحة مستشفى الناس - التى تم افتتاحها عام 2019 - 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية.

والجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين، وتفتح مستشفى الناس أبوابها لجميع مرضى القلب والجهاز الهضمي والسكري والحروق، وتعمل على وضع خطة علاجية لهم بأحدث الطرق الطبية ووفقاً لآخر المعايير والضوابط لهذه الأمراض عالمياً.

ويشار إلى أن مستشفى الناس الخيري، افتتحت وحدة الحروق لتكون أحدث الأقسام المنضمة لرحلة نجاح الصرح الطبي الكبير في تقديم الخدمات الطبية المميزة للجمهور بالمجان إلى جانب وحدة القلب ووحدة الجهاز الهضمي، وذلك بأيدي نخبة من كبار الأطباء المصريين.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).