علاء الكحكي: مستشفى الناس تقدم خدمات طبية دقيقة بتكنولوجيا حديثة وأدعوكم للتبرع لها

أجري رجل الأعمال علاء الكحكي، رئيس مجلس إدارة شبكة قنوات النهار، زيارة لمستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

استقبل المهندس أيمن عباس، أمين صندوق مؤسسة الجود الخيرية ورئيس مجلس إدارة مستشفى الناس، رجل الأعمال علاء الكحكي، رئيس مجلس إدارة شبكة قنوات النهار، أثناء زيارته للمستشفى الخيري، ورافقه في جولة تفقد خلالها غرف الأطفال المرضي، وتعرف على الخدمات الطبية المقدمة لهم، كما التقي عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولته، تعرف رجل الأعمال علاء الكحكي، رئيس مجلس إدارة شبكة قنوات النهار، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.

وأشاد رجل الأعمال علاء الكحكي، رئيس مجلس إدارة شبكة قنوات النهار، بمستوي الخدمات الطبية المتكاملة المقدمة في مستشفى الناس والتطور السريع الذي يشهده الصرح الطبي الكبير، حيث قال: «أنا سعيد جداً بزيارتي لمستشفى الناس، وفخور ومنبهر بكل اللي شوفته النهارده، لأن فكرة إن المستشفى يكون فيها 600 سرير وتقديم الخدمات الطبية لكل عدد المرضى ده بمختلف التخصصات اللي بدأت واللي لسه بتكمل، دا شيء يدعو بالفخر، والحقيقة أنا أتمنى إن كل الناس ربنا يكرمها وتقدر تتبرع للمستشفى عشان كل المحتاجين والمرضى والفقراء يقدروا يستفيدوا من الخدمات الموجودة».

وقال رجل الأعمال علاء الكحكي، رئيس مجلس إدارة شبكة قنوات النهار: «أنا أدعوكم تيجوا تشوفوا حجم الحالات الدقيقة ودقتها والتكنولوجيا الموجودة وكأنها في أغلى مستشفى استثماري، وتشوفوا الخدمات اللي بتقدم ودقة الدكاترة والتمريض، الحقيقة كلكم لازم تقفوا ورا المستشفى، لأنها بيقدموا شيء مبهر وعندهم رؤية لمرحلة جديدة ومراحل بعدها».

وتابع رجل الأعمال علاء الكحكي: «المستشفى لو اكتملت هيفتحوا في كل حتة في مصر، إن شاء الله ربنا يوفقهم، مجهود خرافي يقدمه كل القائمين على العمل هنا، وربنا يكرمكم، وإن شاء الله كل مرة نيجي نلاقي في تقدم وأقسام جديدة، وكل دي حاجات هتفيد أطفالنا جدا وهتفيد كل المرضى والفقراء في مصر».

وأضاف رجل الأعمال علاء الكحكي، رئيس مجلس إدارة شبكة قنوات النهار: «أنا كنت بسمع عن مستشفى الناس كتير لكن الحقيقة لما شوفت بعيني لقيت الوضع مختلف تمامًا مفيش أروع ولا أدق من كده، شوفت في الزيارة قمة في الدقة والنظافة، والعلاج زي أي مستشفى استثماري، والأطقم الطبية تركز على علاج حالات دقيقة جدًا مش موجودة في أي مكان، وأعمار الأطفال اللي بيتعالجوا وبيتعملهم عمليات، شيء مبهر جدا بالنسبة ليا وأول مرة أشوفه، والدقة والأجهزة وطريقة العلاج والدكاترة والعناية والتمريض، الموضوع كله كان بالنسبة ليا مفاجئة».

واستطرد: «أكتر حاجة لفتت نظري دقة وتقدم الأجهزة الموجودة في مستشفى الناس، وكمان أنها تقارن بالأجهزة الحديثة في المستشفيات خارج مصر، المستشفى بها الكشف المبكر عن مرض الأطفال قبل ولادتهم وعلاجهم السريع خلال أيام من تاريخ ولادتهم، وده شيء مذهل ويدعو للفخر»، مضيفًا: «أنا كنت جاي متخيل إن العلاج كله مقتصر على قلب الأطفال، لكن اكتشفت إن في قسم لعلاج الحروق، وقسم لعلاج أمراض القلب، وقسم رعاية، ومش بس أطفال في أقسام تانية يتم إضافتها حاليًا وكلها حاجات دقيقة جدا، واللي بيتقال إنه المشوار ماشي والحلم يكتمل، لاء دي هتبقى مدينة طبية داخل مصر وهتبقي حاجة كبيرة جدا».

وقال رئيس مجلس إدارة شبكة قنوات النهار: «أبسط حاجة يقدر يقدمها الإعلام المصري تجاه المستشفيات الأهلية ومستشفيات المجتمع المدني هو تسليط الضوء على النجاحات والإنجازات اللي بتحصل مع الحالات دي عشان الناس تبدأ تستوعب أهمية التبرع للحالات دي، وعشان الناس اللي محتاجة تتعالج تبقى عارفة هي ممكن تتعالج فين بدقة وبمستوى كأنك في مستشفى استثماري».

وأوضح: «أنا اعرف أيمن عباس من سنين، لكن الحقيقة لما قعدت وسمعت خلال الزيارة النهارده الرؤية والتخطيط الموجودة، إلي جانب الدقة والنظافة اللي شوفتها والتمريض وكفاءة الدكاترة، فأنا منبهر، وبقول ربنا يبارك لكم، وإن شاء الله ربنا يقدرنا ونفضل كتفنا في كتفكم كده لحد ما الحلم يتحقق وكل حاجة تكمل ويبقى المبنى الجديد كمان يتبني، وإن شاء الله ربنا يكرمهم لأن اللي بيعملوه مجهود خرافي».

وعن رؤيته لإمكانية توسع مستشفى الناس وافتتاح فروع أخري لها بالمحافظات، قال رجل الأعمال علاء الكحكي، رئيس مجلس إدارة شبكة قنوات النهار: «الحقيقة أيمن عباس عنده حلم إنه يكمل المستشفى هنا في شبرا، ويفتح فروع تانية في أسوان وفي كذا منطقة في مصر، وده في حد ذاته مش حلم عادي، وأنا أعتقد أنه هيقدر يحققه باللي أنا شايفه من إصرار وتخطيط، وكلنا ربنا يقدرنا نبقى معاه، والحقيقة المستشفى اسم على مسمي "مستشفى الناس للناس فعلا"».

الجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت المستشفى أكثر من 7 آلاف عملية جراحية بالقلب لحالات حرجة جدًا وعمليات قسطرة تشخيصية وعلاجية، إضافة إلى هذا تفتح مستشفى الناس أبوابها لكل مرضى القلب والجهاز الهضمي، وتعمل على وضع خطة علاجية لهم بأحدث الطرق الطبية ووفقاً لآخر المعايير والضوابط لهذه الأمراض عالمياً، حيث أجرت 630 عملية جراحية ومناظير جهاز هضمي خلال عام 2023.

ويشار إلى أن مستشفى الناس تبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية، وقد تم افتتاح المستشفى عام 2019.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).