دكتور إبراهيم الكرداني في زيارة إنسانية لمستشفى الناس.. ويشيد بمستوى النظافة والخدمات الطبية

أجري الدكتور الإعلامي إبراهيم الكرداني، أستاذ الصحة النفسية بجامعة الإسكندرية، زيارة لمستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

تضمنت زيارة الدكتور الإعلامي إبراهيم الكرداني، أستاذ الصحة النفسية بجامعة الإسكندرية، جولة تفقد خلالها غرف الأطفال المرضي، وتعرف على الخدمات الطبية المقدمة لهم، كما التقي عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولته، تعرف الدكتور الإعلامي إبراهيم الكرداني، أستاذ الصحة النفسية بجامعة الإسكندرية، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علا جهم داخل المستشفى.

وأشاد الدكتور الإعلامي إبراهيم الكرداني، أستاذ الصحة النفسية بجامعة الإسكندرية، بمستوي الخدمات الطبية المتكاملة المقدمة في مستشفى الناس، حيث قال: «الحقيقة أنا جيت مستشفى الناس وشوفت رجال الأعمال ممكن يعملوا خير أد إيه، وقفت وشوفت الأستاذ خميس عصفور، الله يرحمه، هو توفى من 2006، والمستشفى فتحت 2019، بقالنا 5 سنين، وأنا مش مصدق اللي شايفه أدامي».

قال الدكتور الإعلامي إبراهيم الكرداني، أستاذ الصحة النفسية بجامعة الإسكندرية: «النظافة اللي في المستشفى دي لازم يكتب عنها كتب، عندهم Color Coding، أنا مشوفتش زيه قبل كده، يعني كل حاجة ليها لون وكل مسحوق ليه لون، وفي Color Coding داخل المطابخ، الخضار ليه سكينة خضراء، واللحوم ليها سكينة حمراء، عايز أقول إن ده مهم جدا في علاج الحالات الحرجة اللي بتيجي هنا».

وأضاف الدكتور الإعلامي إبراهيم الكرداني: «كل الأطفال اللي عندهم مشاكل في القلب بيتعالجوا هنا وبدون مقابل، أنا شوفت كمية حاجات حديثة، والعناية المركزة فيها كمية أطفال حاجة تفرح إنهم لاقيين العلاج كده بدون مقابل، وأهاليهم قاعدين، ومخصص غرف صغيرة لألعاب الأطفال».

وتابع أستاذ الصحة النفسية بجامعة الإسكندرية: «الخير الموجود هنا، وأنا أقدم التحية للأستاذ أيمن عباس، ووالده، اللي هما ماسكين المستشفى، أنا أحييهم على نظافة العاملين، وعلى الأسلوب الراقي لأقصي درجة».

واستطرد: «عايز أقول، وأنا هنا افتكرت الدكتورة أنيسة حسونة اللي كانت في الأول مدير المستشفى دي، أنا أعرفها شخصيًا، وعارف إنها كانت عندها المريض الخبيث، ووقفت لأخر لحظة تحارب هذا المرض بابتسامة على وشها، ودا كله انعكس هنا في مستشفى الناس».

وأشار الدكتور الإعلامي إبراهيم الكرداني، أستاذ الصحة النفسية بجامعة الإسكندرية، إلى أن مستشفى الناس موجودة في شبرا الخيمة، والوصول لها ليس صعبًا، مضيفًا: «المستشفى تخدم كل مصر، وأي حد محتاج العلاج ممكن يجي مستشفى الناس، وطبعا كل ده بيعتمد على تبرعات من الخدمة الاجتماعية للبنوك اللي بيتبرعوا، وبيتحط فلوس في شهادات وبيتصرف منها على المستشفى، ومستشفى الناس طبعا بترجع للناس الخيرين الكتير الموجودين عندنا في مصر، لأن "مستشفى الناس.. للناس"».

وناشد الدكتور إبراهيم الكرداني الفنانين التشكيليين للتبرع بلوحاتهم لتزيين حوائط المستشفى، حيث قال: «أنا فرحان وسعيد بالزيارة لأني شوفت حاجات مكنتش اتخيلها، وممكن أناجي الفنانين التشكيليين، لأن المستشفى هنا عندهم حوائط كتير جدًا اللي عايز يتبرع للحوائط الجميلة بلوحاتكم الجميلة يتبرع».

واختتم حديثه: «مستشفى الناس بدأت بالقلب، لكن توسعوا وبقت كل حاجة متوفرة هنا، موجود دلوقتي قسم لعلاج أمراض السكر، وقسم لعلاج أمراض الجهاز الهضمي اللي لسه بادئ جديد، وقسم الحروق ودا أمر صعب جدًا، أصبح علاجها متواجد هنا، والمستشفى عندها 200 سرير قائم بيشتغل، لكن في إمكانية لاستخدام 600 سرير، والمستشفى بتخدم كتير، ومش بس كده، لكنهم عرفوا إن التمريض أهم حاجة وشغالين حاليًا على إنشاء كلية تمريض قريب جدًا من مستشفى الناس».

الجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت …