الرئيس السيسي: ربنا مش بيعز اللي بيهد.. احنا بنبني والباقي على الله

قال الرئيس عبدالفتاح السيسي: “متقعدوش كل شوية تهدوا في بلدكم، خلوا بالكم هما يومين وإللي بعدي جاي وإللي بعده جاي، لكن البلد دي هي إللي قاعدة بناسها، يبقى الناس تحافظ على بلدها ومتهدوهاش”.

تصريحات الرئيس السيسي في مقر أكاديمية الشرطة

وأضاف الرئيس السيسي، اليوم خلال كلمته في مقر أكاديمية الشرطة، نقلتها قناة “إكسترا نيوز”: “الخصم لن يتوقف وهيفضل شغال دلوقتي وبكره والسنين القادمة ودي حكمة ربنا في الوجود إلي احنا فيه، الأمة إلي بتصمد وشعبها بيركز في الارض ويصبر ويشغل ربنا بيديله أسباب النجاح”.

وتابع: “إحنا عايزين نحافظ على كل حتة في مصر وكل شجرة وكل حياة فيها، وكل انطباع نبنيه عن بلدنا ونقول للناس إن احنا في أمان تعالوا خشوا بلدنا”.

وواصل: “أوعوا تفتكروا إن ربنا هيعز أبدا إلي بيهد، بس بأي عمر هيتحاسب امتى الي بيهد، والدولة الي بتهد دولة هتتحاسب امتى، انت فاكر انه يهبقى دلوقتي ممكن يبقى بعد 10 سنين أو 20 سنة، أوعى تخرب إنت تعمر وتبني وتصلح، بس والباقي على الله”.

واستكمل: “عملية الشر والاستهداف لمصر مش هتنتهي والدرع أنا معاكم فيه لأن درع أي أمة في العالم هو ناسها مش الجيش والشرطة بس، مع العلم إن الجيش والشرطة هما جزء من الشعب، بس درع الدولة هو شعبها”.