«مش قادر يواجه نجاح غيره».. عمرو مصطفى يوجه رسالة حادة لفنان شاب

شن الملحن والفنان عمرو مصطفي هجوم على أحد الفنانين الشباب، من خلال حسابه الشخصي بموقع التواصل الاجتماعي الفيسبوك.

نشر عمرو مصطفي منشور على حسابه الشخصي بموقع التواصل الاجتماعي الفيسبوك، قائلا:«لما تلاقي حد في سن المفروض يكون فيه قدوة، لكن بيختار يعيش دور الشاب بالحلق والتاتوهات، وبدل ما يحافظ على احترام نفسه، بيستخدم لجان إلكترونية، وفيديوهات وبودكاستات عشان يشوه سمعة الناس باتهامات زي الجنون». 

أضاف:«اللي بيعمل كده، مش قادر يواجه نجاح غيره ولا يثبت نفسه إلا بتصرفات سطحية وكومنتات مدفوعة. النجاح مش في المظاهر ولا في كلام ورا الشاشات، النجاح هو الثبات على المبادئ والقيم، واللي بيفضل محترم جمهوره وأخلاقه هو اللي بيفضل فنان حقيقي». 

اختتم عمرو مصطفي حديثه:«خلوا الأفعال تتكلم، والتاريخ دايمًا هيكشف مين كان على حق ومين كان بيحاول يغطي على نفسه بالشو الإعلامي».

وفي وقت سابق، أثار الملحن عمرو مصطفى، خلال الأيام الماضية، حالة من الجدل، وذلك بعد توجيهه رسالة أشار من خلالها إلى أن بعض النجوم قلت نجوميتهم بعد أن ابتعد عنهم صناع أغانيهم، دون أن يوجه كلامه إلى أحد بعينه، لكن قام بعض الجمهور بتفسير هذا الحديث أنه يقصد أغاني الفنان عمرو دياب.

وقال عمرو مصطفى، في منشور عبر حسابه الرسمي بموقع التواصل الاجتماعي «فيسبوك» «فيه ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم النهاردة الأرقام ما بتكدبش، والحفلات ما بقتش زي زمان، واللي بيحاولوا يخلقوا رأي عام ضدي من ورا الكواليس، ده كله ما بيهزش شعرة مني».