«احترم سنك ونفسك».. تامر حسين يهاجم عمرو مصطفي
![تامر حسين تامر حسين](https://media.besraha.com/2023/8/large/10/5/465.jpg)
هاجم الشاعر الغنائي تامر حسين، الملحن عمرو مصطفى بعد انتقاده لأعمال الملحن محمد مدين وعزيز الشافعي، في أحد لقائته الصحفية أمس.
كتب تامر حسين منشور على حسابه الشخصي بموقع التواصل الاجتماعي الفيسبوك:«ردا على فيديو المُلحن سليط اللسان.. أنا فعلًا غلطت لما قُلت على المُحترمين المُبدعين مدين أو عزيز الشافعي زمايلك على أساس أنك معانا في الوسط.. وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل.. والافتراءات الكذابة اللى بتخترعها في أي نجاح كبير يلتفت حواليه الناس وأنت لا ترتقي إنسانياا تبقى زميل لواحد فيهم.. شتان فرق الأخلاق ده أنا اللى بعتذرلهمُ على التشبيه الغير موفق مني ظلمُتهم».
أضاف تامر حسين:«ثانيًا لو جبت سيرتك بالخير فأنا بعمل بأصلى فى أى لقاء وأى برنامج وبتربيتى وبقول عيب عنده أولاد كُبار يتشرفوا بباباهم.. ما تردش الإساءة بالإساءة.. معنديش فُجر الخصومة ولا هبقى مُتقلب الود زيك مع كل اللى أحسنوا إليك وساعدوك.. عشان لما حد من الجمهور المحترم يشوفنى مايقولش عليا قليل الأصل ونتساوىّ في القُبح ودى آخر مرة هغلط وأجيب سيرتك لأنى مبقتش أتشرف بيها وبتكسِف منها».
تابع:«الناس عارفة كويس وفاهمة مين فينا صادق ومين كداب.. بالمواقف والسنين والاحترام والتقدير.. والحمد لله إني ربنا أنعم عليا وخلانى شخص سوي وبعقل كلامى واحترم نفسي. لا فيه قلبى غل ولا حقد ولا بعترض على اللى ربنا كاتبهُ لزمايلي ببارك للجميع بقلب أبيض.. مبقللش من مجهودهم ونجاحهم».
اختتم الشاعر تامر حسين حديثه:«دي آخر رسالة تتقالك بحترام اللي جاي هيبقى عداني العيب.. احترم سنك احترم نفسك.. احترم انك عندك أسرة مايصحش.. يبقى cv من بعد ما كان نجاحات يبقى خِناقات وسيرة سيئة.. لإن ماحدش هيسكُت لك تانى على أى تجاوز».