«مابتعرفش تعمل طرب».. عزيز الشافعي يرد على هجوم عمرو مصطفي عليه
![عزيز الشافعي عزيز الشافعي](https://media.besraha.com/2023/8/large/10/4/132.jpg)
علق الملحن عزيز الشافعي على هجوم الملحن عمرو مصطفى عليه، الفترة الماضية، ذلك بسبب أغنية شيرين عبد الوهاب «اتمني أنساك».
وكتب عزيز الشافعي عبر حسابه الشخصي على فيس بوك:«ريحة الشياط مش حلوة لو طالعة من المطبخ، لكن مسك وعنبر لما تطلع في فيديو، مابتعرفش تعمل طرب، أنت غير في الصياح بس ما شاء الله عليك».
في سياق آخر، طرحت شيرين عبد الوهاب مجموعة من الأغاني الجديدة، وتتعاون فيها مع عزيز الشافعي ومدين، وتفاجئ الجميع بتدوين عمرو مصطفى منشور عبر حسابه الشخصي على فيس بوك، يزعم فيه أن لحن أغنية شيرين عبد الوهاب الجديدة، مسروقة من ألحانه السابقة، ووصف ملحنها بـ “الكلب" حيث كتب: الحن اتسرق فكرته في أغنيه لشيرين جديدة، من كلب كنت مربيه عندي بس كله هيتحاسب في وقته.
بعد هذا المنشور، تواصل تامر حسين مع الملحن عمرو مصطفى، لعتابه على هذا المنشور، ولكن وصف الشاعر رد عمرو عليه بالإساءة، حيث منشور له عبر الفيس بوك، حيث كتب: ردا على فيديو المُلحن سليط اللسان.. أنا فعلًا غلطت لما قُلت على المُحترمين المُبدعين مدين أو عزيز الشافعي زمايلك على أساس أنك معانا في الوسط.. وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل.. والافتراءات الكذابة اللى بتخترعها في أي نجاح كبير يلتفت حواليه الناس وأنت لا ترتقي إنسانياا تبقى زميل لواحد فيهم.
وأضاف: شتان فرق الأخلاق ده أنا اللى بعتذرلهمُ على التشبيه الغير موفق مني ظلمُتهم، ثانيًا لو جبت سيرتك بالخير فأنا بعمل بأصلى فى أى لقاء وأى برنامج وبتربيتى وبقول عيب عنده أولاد كُبار يتشرفوا بباباهم.. ما تردش الإساءة بالإساءة، معنديش فُجر الخصومة ولا هبقى مُتقلب الود زيك مع كل اللى أحسنوا إليك وساعدوك.
وتابع تامر حسين: عشان لما حد من الجمهور المحترم يشوفنى مايقولش عليا قليل الأصل ونتساوىّ في القُبح ودى آخر مرة هغلط وأجيب سيرتك لأنى مبقتش أتشرف بيها وبتكسِف منها، الناس عارفة كويس وفاهمة مين فينا صادق ومين كداب.. بالمواقف والسنين والاحترام والتقدير.. والحمد لله إني ربنا أنعم عليا وخلانى شخص سوي وبعقل كلامى واحترم نفسي. لا فيه قلبى غل ولا حقد ولا بعترض على اللى ربنا كاتبهُ لزمايلي ببارك للجميع بقلب أبيض، مبقللش من مجهودهم ونجاحهم.