«اللي ستره ربنا ميطلعش يفضح نفسه».. مروة صبري تهاجم إيناس الدغيدي

هاجمت الإعلامية مروة صبري، المخرجة إيناس الدغيدي، ذلك بعد تصريحاتها عن المساكنة 9 سنوات مع طليقها، أثناء لقائها في أحد البرامج التليفزيونية. 

قالت مروة صبري خلال حلقتها في برنامج«قعدة ستات»المذاع على قناة الفا اليوم: «طالعة بتقولي أنا عشت المساكنة قدام الناس كلها، إذا بليتم فاستتروا، ربنا سترني مطلعش أنا أفضح نفسي وأقول كده قدام الناس كلها».

وتابعت مروة صبري:«صدمة كبيرة لكل الناس بعد ما سمعت التصريحات دي ويمكن الناس واخدة على أن المخرجة إيناس الدغيدي جريئة وصريحة وحرة في تفكيرها ولكن مش للدرجة دي في حاجات مينفعش، في حاجات ممكن أسيب مساحة لأني أكون معاكي أو ضدك وفي وقت وكلام وتصريحات وإجابات تودي في داهية».

أضافت:«حضرتك مش محتاجة تريند خالص أنا عارفة أنك مبتحبيش تطلعي في البرامج وعارفه انك بترفضي إذا إنتي مش التارجت بتاعك تقولي حاجة تعملي تريند زي معظم الفنانين والفنانات اللي بيحبوا يطلعوا يعملوا بلبلة حواليهم عشان الناس والمواقع تجيب سيرتهم إنتي مش كده،وحتى لو كانت دي قناعاتك وإنتي شايفة أن دا تفكيرك اللي هو شاذ عن المجتمع والحياة».

اختتمت مروة صبري حديثها:«لا يصح أنه يتقال مفيهوش اه أو لأ مرفوض جملة وتفصيلا،عيشتي المساكنة إنتي حرة داري على نفسك».