مروة صبري تهاجم رانيا يوسف:«مين أقنعك إن صوتك حلو»
![مروة صبري مروة صبري](https://media.besraha.com/2024/8/large/17301942193748202408270123192319.jpg)
هاجمت الإعلامية مروة صبري، الفنانة رانيا يوسف بعد اتجاهها للغناء، وطرحها أول أغانيها بعنوان «ليك» على موقع الفيديوهات اليوتيوب والمنصات الموسيقية.
مروة صبري تهاجم رانيا يوسف
قالت مروة صبري في برنامجها «قعدة ستات»: «رانيا يوسف طلعت علينا بفيديو كليب، ليه بتغني مين أقنعك وقالك إن صوتك حلو، إنتي فنانة وممثلة شاطرة ولكن صوتك حلو لأ صوتك وحش، بتعملي استعراضات؟ اعتقد الجمهور مش مطلوب منه يشوف حاجة هو مش عايز يشوفها».
الجمهور بيجي له اكتئاب
وتابعت مروة صبري لترد على أي شخص قد يقول لها أن عليها عدم مشاهدة الأغنية إذا لم تعجبها:«في حد بيتفرج عليا في قمة الاحترام يقولي حضرتك متتفرجيش، لأ إحنا بقينا مجبرين دلوقتي السوشيال ميديا مبقاش فيه متتفرجيش، السوشيال ميديا إحنا قاعدين بنقلب على فيسبوك ولا تيك توك ولا إنستجرام كل الحاجات دي بتطلع لنا، إذا إحنا الجمهور بيجيله اكتئاب، أنتم برضو إرحموا الجمهور، أنا مذيعة أه بس واحدة من الجمهور بتفرج، بتغني ليه مين أقنعك وضحك عليكي ووقعك في الفخ دا وقالك خشي غني».
الجدير بالذكر ، أن رانيا يوسف طرحت أغنية «ليك» على موقع اليوتيوب ومنصة أنغامي أول أعمالها الغنائية.
أغنية "ليك" من كلمات سمير طارق، وألحان محمد مصطفى، وتوزيع تيام طارق، والكليب من إخراج بتول عرفة.
في سياق آخر، يعرض لـ رانيا يوسف مسلسل «عمر أفندي» عبر منصة "شاهد vip وقناة ON.
ومسلسل «عمر أفندي» يعرض من الأحد إلى الخميس الساعة 4 عصرا عبر منصة "شاهد vip" و 7:30 مساء عبر قناة ON.
مسلسل «عمر أفندي» بطولة أحمد حاتم، رانيا يوسف، آية سماحة، مصطفى أبوسريع، محمد رضوان، ميمي جمال، ومحمود حافظ، والمسلسل من تأليف مصطفى حمدي، وإخراج عبد الرحمن أبوغزالة.