محمد سامي يتذكر تشجيع تامر حسني له: «دعمتني من أول لحظة»
![محمد سامي وتامر حسني محمد سامي وتامر حسني](https://media.besraha.com/2024/9/large/2749165183664720240902110223223.jpg)
استرجع المخرج محمد سامي ذكرياته مع الفنان تامر حسني، مؤكدا، أنه هو صاحب الفضل عليه.
نشر تامر حسني صورة له برفقة تامر حسني على حسابه الشخصي بموقع التواصل الاجتماعي تبادل الصور والفيديوهات الانستجرام، معلقا عليه:«وَلَا تَنْسَوُا الْفَضْلَ بَيْنَكُمْ. وأنا قاعد إمبارح في التصوير افتكرت الرحلة و الشقى و التعب من أول عمل لحد العمل اللي بصوره دلوقتي، و افتكرت صعوبة الحصول على فرصة عشان الواحد يثبت نفسة ويحقق أحلامه، فطبعا افتكرت أخويا و صاحبي الجدع الطيب الخلوق اللي دعمني من أول لحظة و كان سبب في اللي أنا فيه دلوقتي».
وأضاف محمد سامي: "تامر قدملي كل الدعم و الحب و الامكانيات اللي خلتني اثبت نفسي وبالذات في وقت كان صعب الشباب ياخد في الدراما فرصة بحجم مسلسل آدم، فاكر اني الكل كان رافض اني اخد الفرصة دي ومستكبرينها عليا الا هو وقف في ظهري كأنه بيحارب لأخوه، و بصلي مرة والظروف كلها ضدي و كنت حاسس وانا بحضر انهم هيجيبوا حد غيري و قاللي ده مسلسلك و هتعمله و هتنجح و هتنجحنا معاك، حتى طريقته المتواضعة و هو بيقوللي مسلسلك كأني عامل تسع مسلسلات قبله تحسس الواحد بنفسه و أهميته".
واختتم محمد سامي رسالته قائلا:«أشهد أمام الله إنك طول عمرك متواضع و مؤدب وتطلب الحاجة باحترام، ومع الكرو محترم وعشان كده كلنا روحنا فيك، بحبك يا صاحبي و تستاهل كل حاجة حلوة يا أجمل قلب، ويا رب يرزق كل الناس باللي يساعدهم على تحقيق أحلامهم زي ما رزقني بتامر حسني».
أعمال محمد سامي
يذكر أن المخرج محمد سامي يتعاون مع زوجته الفنانة مي عمر في مسلسلها لشهر رمضان 2025، ويحمل اسم "إش إش".
وتقدم مي عمر في مسلسل "إش إش" دور راقصة، وسبق وأعلن محمد سامي أنه انتهى من كتابة عدد كبير من حلقات المسلسل الذي يتكون من 30 حلقة، كما أعلن مؤخرا عن بدء تصوير المسلسل، المقرر عرضه عبر قنوات MBC.
ومسلسل "إش إش" هو ثاني بطولة مطلقة لمي عمر، بعدما قدمت في رمضان 2024 مسلسل "نعمة الافوكاتو" وتكون من 16 حلقة.
من ناحية أخرى، يتعاون محمد سامي مع عمرو سعد في مسلسل «سيد الناس»، المقرر عرضه في رمضان 2025، ويشارك في بطولة المسلسل الفنان عماد زيادة.
يشار إلى أن تامر حسني ينشغل في تصوير أحدث أفلامه "ري ستارت" مع هنا الزاهد، باسم سمرة، محمد ثروت، وغيرهم، والفيلم من تأليف أيمن بهجت قمر، وإخراج سارة وفيق.