شذي توجه رسالة اعتذار لـ تامر حسني "هبّت معايا زيادة"

قدمت الفنانة شذي رسالة اعتذار لفنان تامر حسني، ذلك بعد تصريحاتها الأخيرة عنه بأنه لم يدعمها، مؤكدة أنهم مروا خلال مشوارهم الفني بالعديد من الصعوبات.

ونشرت شذى عبر حسابها الرسمي بموقع التواصل الاجتماعي تبادل الصور والفيديوهات إنستجرام صورة  لها برفقة تامر حسني تعتذر له:"من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه وأكتر واحد برضه عارفني وعارف إني على الله حكايتي ودماغي بتسوحني كتير ".

أضافت شذي:"حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة متزعلش مني وهتفضل صاحب عمري اللي عدينا مع بعض كتير الوحش قبل الحلو".

وسبق وتحدثت شذى عن خلافها مع تامر حسني إذا قالت: سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر.