خيري رمضان يوجه رسالة بعد اعتزال شهد سعيد: لماذا حوّلنا عيلة 18 سنة لشيطان رجيم؟!

وجه الإعلامي خيري رمضان رسالة بعد اعتزال شهد سعيد نتيجة الهجوم التي تعرضت له على خلفية أزمتها مع جنة عليوة.

وقال الإعلامي رمضان خلال برنامج "مع خيري" المذاع على قناة "المحور": "شهد سعيد؛ جنة أصيبت في المسابقة وشهد أخطأت، وتم عقابها هنا مش بتكلم على قرار منعها من الأولمبياد أو السفر، القضية أن البنت دي عندهم 18-19 سنة عيلة بنتك أو بنتي أخطأت وقلنا أن في قانون ينظم الخطأ".

خيري رمضان يوجه رسالة بعد اعتزال شهد سعيد

وأضاف: "انتوا ملاحظين قد أيه الناس داست على بنت عيلة 18 سنة من أسرة بسيطة، هل فكر أحد أنها محتاجة تتعلم وأنها أخطأت وأن عليها أن تطور نفسها، يعني لو لاعب من الأهلي أو الزمالك ارتكب خطأ دخل برجله جاب ارتجاج لواحد في نافوخه وتم عقابه وإيقافه 8 مباريات هل بندبحه مدى الحياة؟ إحنا ليه حولنا شهد إلى شيطان رجيم كامن في جسد فتاة ثانوية عامة".

وتابع: "انتوا متخيلين حجم العنف الذي مورس على بنت مصرية لأنها أخطأت مهنيًا أخلاقيًا في اللعبة واتعاقبت دا اللي بيغلط بيدخل السجن ويطلع يمارس حياته، دا بنت غلطت كلنا مسكنا السكاكين بنقطع فيها، أنا مليش دعوة بالقضية أنا قضية التعامل مع مشكلة بنت أخطأت نصوبها هل تعتقدوا أنها ممكن تعمل حاجة في الحياة تاني؟ هتقعد وقت قد ايه عشان تحسن صورتها".

شهد سعيد وجنة عليوة 

وواصل: "السوشيال ميديا قادت السوشيال ميديا ساقت، حطأ من اتحاد الدراجات أنه حط اللجنة الأولمبية في هذا المأزق لأن كانت العقوبة يتم إيقافها يبقى متشتركش عشان تعلي من قيمة الردع والتعلم إحنا عايزينها تتعلم وتبقى كويسة هي أخطأت فتعاقبت، العقل الجمعي على السوشيال ميديا كان عنيف جدًا جدًا".

واختتم: "هو إحنا لازم نقضي على طرف من الطرفين؟ هو إحنا لازم ننتصر لحد على حد، انتصرنا للقانون والأخلاق ودا مش معناه أني اقتلها، عقوبتها أنها اتمنعت عقوبتها اللي هتعلمها بعد كده ونشرح لها يعني إيه الروح الرياضية لأنها مواطنة مصرية لأنها بنتك لأنها بنتي وارد إنها تغلط، نحميها حتى من نفسها ومنماريس هذا الضغط والقهر الإنساني على عيلة صغيرة".