«فنان قالي اعتزل».. رامي جمال يكشف سبب اعلان اعتزاله أثناء مرضه بالبهاق

تحدث الفنان رامي جمال، عن موقف محرج تعرض له، بعد إصابته بالبهاق.

قال رامي جمال في لقائه مع الإعلامية مني الشاذلي، برنامج «معكم»:«كنت خارج وفيه حد كان داخل بيمد إيده ويسلم وأول ما أنا مدت إيدي راح عامل نفسه بيوطي بيربط الجزمة وراح قايل لي مبسوط جدًّا إني شُفتك، وقام داخل علطول قبل ما يسلم عليا».

وأضاف: «في يوم فنان كبير شافنى في الاستديو، قالي رامي خلي بالك شغلنا ده بيركز على الشكل قبل الصوت، وفي اللحظة دي قررت أعتزل وكتبت ده على الفيس بوك عندي، ولكن البلاء ده وضحلى قد ايه الناس بتحبنى وجواهم انسانية، وجالي مكلمات ودعم من الوطن العربي كله».

إن أحد الأشخاص طلب منه البحث عن مجال مختلف غير الغناء إذا لم يتمكن من السيطرة على البهاق، موضحًا: "قالي رامي اتصرف عشان أنت بدأت تغني ومستقبلك شكلك مش صوتك بس، فلو معرفتش تسيطر على القصة دي شوف شغلانة تانية، أنا مش مفترض سوء النية ساعتها، بس كمية الطاقة السلبية اللي أخدتها".

حفل رامي جمال في العلمين
 

في سياق آخر، يستعد الفنان رامي جمال لـ أحياء حفل غنائي، في مهرجان العلمين ضمن حفلات الدورة الثانية في مهرجان العلمين، يوم الجمعة الموافق 2 أغسطس المقبل.