مروة صبري :"شيرين عبد الوهاب دمرت حسام حبيب بسبب حبه ليها"

علقت الإعلامية مروة صبري على أزمة شيرين عبد الوهاب وحسام حبيب، ذلك بعد أزمة تعدية عليها بالضرب في فيلتها.

وقالت مروة صبري، خلال برنامجها قعدة ستات:«العلاقة دي اللي تدمر فيها بنسبة مليون في المية حسام حبيب.. ناس كتير هتقول لي ازاي هو اللي دمرها؟ هو اللي خلاها تشرب المخدرات. هو اللي خلاها ما اعرفش تعمل ايه».

وتابعت :«على فكرة هو ما خلهاش تعمل اي حاجة.. هو مريض زيه زيها.. بس هو اللي قاعد بيدفع كل الفواتير نتيجة لمرضه. نتيجة لان هو عايز يقف جنبها. نتيجة لان هو بيحبها. نتيجة لان هي مش سايباه في حاله».

واستطردت : «صدقوني الاتنين مرضى ببعض.. وحسام حبيب لازم يبعد عن شيرين.. ومش يبعد عن شيرين عشان هو بيضرها.. اللي بيضر شيرين هي شيرين.. هي خليها في الطريق اللي هي ماشية فيه براحتها.. عايزة تكمل فيه تكمل انت امشي عشانك».

اختتمت مروة صبري حديثها:«لو لك مستقبل مكمل لو عندك نفسية تقدر تعالجها تروح لدكتور نفسي تتعالج.. روح وخلص نفسك من السم اللي اسمه شيرين عبدالوهاب.. كفاية».