عصام صاصا عن إحياء الحفلات أثناء أزمتة الأخيرة:« أنا ملتزم بعقود..ما باليد حيله غير أنكم لازم تفهموا»

خرج المطرب المهرجانات عصام صاصا، عن صمته بعد اقترابه من شهر على حادثة دهس لشاب على طريق الدائري.

أول رد من عصام صاصا عن إحياء الحفلات

كتب عصام صاصا منشور على حسابه الشخصي بموقع التواصل الاجتماعي الفيسبوك:«ربنا وحده يعلم أنا بكتب الكلام دا وانا عامل ازاى و فيا ايه،أنا بقالي اكتر من شهر قاعد من غير شغل ومعنديش اي حاجه اعملها غير اني قاعد وما باليد حيله و مستني قضاء ربنا سبحانه وتعالي و محدش هيفهم او هيحس بالموضوع غيرى».

وتابع عصام صاصا:«أنا مطلعتش اتكلمت وعدت وزدت في الموضوع كتير ومحدش شافني حته بفيديو قولت أي كلمة خالص، لكن أنا عندي شغلي و عندي عقود والتزامات لما اعملها واخلصها يا اما هدخل في قصه تانيه انا مش قدها و شرط جزائي، انا هنزل شغلي و هشتغل لاني مش بـ أيدي أي حاجه غير اني اعمل كده».

وأضاف:«أنا عندي أمي و عندي أخويا و عندي مراتي وابني وفرقة فيها أكتر من 35 شخص في رقبتي أنا شاب لسه ببداء حياتي ولسه بقول يارب .. مصاريف البيت و الأقساط و الحاجات دي كلها اللي أنتو متعرفوش عنها حاجه مين اللي هيدفعها أنا طالع اتكلم لان ما باليد حيله غير أنكم لازم تفهموا أن كل اللي بتسمعوا مش صح الفلوس و القصور والعربيات كل ده مش صح و حال الناس اللي شاغلين معايا كل دول حالهم واقف بسببي انا كل دول ليهم بيوت وعيال ودنيا تانيه خالص».

عصام صاصا يطلب من الجمهور الدعاء له 

واختتم حديثه:« أنا عارف ومتأكد أن ربنا مش هيورينا الشر و مش هيوريني أي حاجه وحشة ده ابتلاء من عند ربنا سبحانه وتعالي و أنا راضي ب كل حاجه و مش هقول غير الحمدلله علي كل شئ والحمدلله و اللي ربنا كاتبهولي هشوفوا .. سوا خير أو شر محتاج من كل الناس اللي بتحبني تدعيلي من قلبها بجد أنا عمري ما كنت شخص مؤذي و عمري ما كنت شخص وحش مع حد .. ربنا كبير ..وحشتوني اوي يا احلي جمهور في الدنيا».