الحاجات اللي حصلت بعد خطوبتي مزعجة.. أول تعليق من مي فاروق في بودكاست أبو اليزيد بيقول

حلت المطربة مي فاروق ضيفة على بودكاست أبواليزيد بيقول مع الصحفي أحمد أبو اليزيد، وتحدثت خلال البودكاست ولأول مرة عن مشوارها الفني وكيف واجهت صعوبة في بداية مشوارها وتعرضها للظلم والهجوم، وعلاقتها بوالدها، وعلاقتها بالفنانة أنغام.

وتحدثت "فاروق"، عن خطوبتها بالفنان محمد العمروسي وردود فعل بعض الناس على هذا الارتباط، والذي أزعجها قائلة:" بس عندي مشكلة في اللي يتكلم عليا كشخص وهو ميعرفنيش .. ومش عارفة لسة أقتنع إن الفنان ملكية عامة فحياته كمان ملكية عامة..خصوصا إن أنا من الناس اللي بتتطلع تحكي عن تفاصيل حياتها.. الحاجات دي محدش يعرف فيها عني حاجة.

وأضافت مي فاروق، خلال حديثها في بودكاست أبو اليزيد بيقول:"  مؤخرا بما إني شخص بقيت الحمدلله ليا عدد محترم من الجمهور المحترم .. فأعلنت إن أنا ارتبطت يعني اتخطبت .. كل الحاجات اللي حصلت بعدها بقت بالنسبة لي من الحاجات المزعجة .. انتوا بتعملوا ايه .. هي مش كده .. أولا انتوا متعرفوش تفاصيل الموضوع  .. متعرفوش تفاصيلي ومتعرفوش حياتي .. متعرفوش حاجات كتير .. متعرفوش حاجة أصلا.