ملكوش دعوة.. أول تعليق من مي فاروق على فارق السن بينها وبين محمد العمروسي

خرجت الفنانة مي فاروق، عن صمتها، لترد على أخبار فارق العمر بينها وبين خطيبها الفنان محمد العمروسي، وذلك خلال لقاء مع et بالعربي.

وقالت مي فاروق: "معملناش حاجة غير إننا أعلنا للناس إننا ارتبطنا، فجأة وأنا قاعدة في البيت وبشوف الأخبار اللي بتتكتب وكلها مش صح حسيت أن أوحش حاجة في الدنيا لمجرد أن تطلع تريند أو تعمل مشاهدات تأثر على حد أو تتكلم على حد بشكل مش مظبوط أو تقول خبر مش مظبوط عشان مشاهداتك تبقى أعلى".

فارق السن بين مي فاروق ومحمد العمروسي 

وتابعت مي فاروق: "دي حياة وإحنا بني آدمين شفت كل اللي حصل من بعد إعلان الخطوبة حاجة مش حلوة وقعدنا نهزر على فيسبوك على موضوع السن وفي الآخر والأول الناس ملهاش دعوة بحاجة والحمد لله ربنا يوفقنا وأتمنى أني أكون عند حسن ظن الناس دايما في شغلي والناس تتعلم تفرق بين شغل الفنان وحياته لإني من الناس اللي مش بتحب تتكلم عن حياتها الشخصية".

خطوبة مي فاروق ومحمد العمروسي 

وانتشرت صور لـ مي فاروق من التحضير لخطوبتها أثناء جلسة الميكب الخاصة بها قبل الخطوبة وفقا لموقع بالعربي et حيث كانت ترتدي  الروب الابيض خلال جلسة المكياج التي أوضحت خلالها مكياجها بشكل كبير حيث اعتمدت علي مكياج هادئ وبسيط مناسب ملامحها.