مروة صبري تهاجم زوجة حلمي بكر :«حضرتك يا أستاذة سماح عايزاه يكتب لك بيت تحت تأثير المرض»

هاجمت الإعلامية مروة صبري سماح القرشي أرملة الموسيقار الراحل حلمي بكر،الذي عادت له أثناء وعكته الصحية الأخيرة.

قالت مروة صبري تفتح النار على نجل حلمي بكر
 

هاجمت مروة صبري أرملة حلمي بكر سماح القرشي قائلة:"كل اللي حصل ده علشان إيه؟ علشان حضرتك يا أستاذة سماح عايزاه يكتب لك بيت تحت تأثير المرض، وعايزة تفضلي متحفظة عليه وتضغطي على أهله علشان تاخدي حقك، هو إحنا عايشين في دنيا ولا بقينا عايشين في غابة".

ووصف نجل حلمي بكر الأحداث خلال الساعات الماضية والخلافات بين عائلته وبين زوجة الراحل حول جثمانه بالشيء المؤسف والحزين،مؤكدا أن زوجته اختطفته حيا وحاولت اختطافه ميتا متسائلا: "لا أدري لماذا هذا يحدث وعلى ماذا؟"، حسب مداخلته في برنامج "كلمة أخيرة" الذي تقدمه الإعلامية لميس الحديدي على شاشة ON.

مروة صبري تهاجم نجل حلمي بكر 

كما هاجمت مروة صبري هشام نجل حلمي بكر ،لما ابن يعرف إن أبوه عيان من سنة ومينزلش يشوفه دي حاجة عجيبة، لما تشوف أبوك عيان أجري عليه والحق يومين تبقى جنبه تبوس إيده وتقول له ادعيلي، ولو شايف إن مراته بتعذبه انزل الحقه".

وأضافت:"هل إنت يا أستاذ هشام كنت مستني والدك يتوفى علشان تنزل وتدفنه، ولا إنت نازل علشان الورث".

عزاء حلمي بكر

رحل عن عالمنا الموسيقار حلمي بكر عن عالمنا مساء يوم الجمعة الماضي، بعد صراع طويل مع المرض،عن عمر يناهز 86 عاما،وأقيم مساء أمس في مسجد الحامدية الشاذلية، بحضور وزيرة الثقافة نيفين الكيلاني، وأعضاء مجلس نقابة المهن الموسيقية، وفي مقدمتهم الفنان النقيب مصطفى كامل، ونادية مصطفى، وحلمي بكر، وعدد من الفنانين.