مصممة أزياء تثير الجدل على السوشيال ميديا: البنت الحلوة بتبيع أكتر وممكن أقول لواحدة في الشارع يا فلاحة

انتشرت فيديوهات مؤخرًا على أحد مواقع التواصل الاجتماعي لمصممة الأزياء "داليا باسل"، وأثار كلامها في لايف خاص بها غضب بين متابعيها ولمشاهدي اللايف الخاص بها ووصفها بأنها عنصرية وطبقية.

مصممة أزياء تختار بنات الكورس على أساس الشكل

وردت "داليا باسل" على سؤال أحد الفتيات لها في التعليقات بخصوص شروط التقديم في كورس التصميم الخاص بها، ووضحت أنها تقبل البنات المتقدمات للكورس على أساس شكلها.

وقالت" لازم البنت اللي تيجي عندي يكون شكلها حلو وكأنها موديل، عشان البنت الحلوة بتبيع أكتر في السوق وخاصًة في شغل الأزياء.

وتابعت كلامها " البنات القمامير بيفتحوا النفس، ولو لبست فستان أهبل ونزلت فيديو على السوشيال الميديا هيجيب مشاهدات عالية لمجرد أنها حلوة وزي القمر.

وردت متابعة أخرى لها على كلامها" بصراحة متوقعتش إنك سطحية بخصوص الشكل بجد إنتي طبقية وعنصرية جدًا".

وعندما شاهدت المصممة تعليق الفتاة ردت على كلامها "دايما بتكلم ف ليه أنا بختار بناتي وإن الشكل مهم في أن إنتي تدخلي الكورس عندي، ومش طبقية ولا عنصرية بس البنت الحلوة من وهي صغيرة بتسمع كلام حلو ف اللي بتسمع حلو بتقول حلو"، واللي عارفني شخصيًا عارف إني طبقية لدرجة أني ممكن أقول لواحدة في الشارع يا فلاحة، وبتبسط فوق الخيال لما حد ياخد عني انطباع الغرور عشان ده بيدل إني رايقة".

وتابعت" وعلى فكرة أنا بطرد بنات كتير أوي من عندي ومش بقبل البنات اللي مش بتوافق إنها تتصور معايا في الفيديوهات اللي بنزلها للكورس، عشان بحب يتعرف إن ده خيري، مش تيجي تعبي الخير وتمشي".

من هي داليا باسل

داليا باسل هي مصممة أزياء مصرية في أواخر العشرينات من عمرها، ,ولقت تفاعل كبير من قبل رواد مواقع التواصل الاجتماعي بسبب طريقتها في شرح المعلومات المتعلقة بـ كورس التصميم الخاص بها، لكنها أثارت غضب العديد من المتابعين بسبب طريقة تفكيرها العنصرية والطبقية وردودها المستفزة، وحكمها الدائم على الأشخاص من خلال شكلهم، ووضحت أنها تقبل الفتيات الجميلات فقط في الكورس الخاص بها.

https://www.instagram.com/reel/C1nWBDrshjm/?igsh=amNxa2s0djMxeTJl