كاملة أبو ذكري تتغزل في محمد رمضان: ممثل كبير نفسي أشتغل معاه

قالت المخرجة كاملة أبو ذكري، أنها تتمنى العمل مع الفنان محمد رمضان في يوما ما.

كاملة أبو ذكري: محمد رمضان ممثل كبير وقعدت معاه مرة حبيته جدًا وحسيت أن في بينا كيميا

وقالت كاملة أبو ذكري خلال حوارها ببرنامج «حبر سري» مع الإعلامية أسما ابراهيم: «اشتغلت مع نجوم كتير بس نفسي أشتغل مع كريم عبد العزيز ومشتغلتش معاه خالص ونعرف بعض من عمر طويل ووالده أستاذي واشتغلت مع نجوم الجيل ده».

وأضافت أنها تريد العمل مع النجم محمد رمضان، متابعة: «مشتغلش مع محمد رمضان وكنت بفكر في الشغل مع كريم عشان طلعنا مع بعض إنما محمد رمضان أصغر مننا».

وردت على موقفها في العمل مع محمد رمضان، قائلا: «أكيد محمد رمضان ممثل كبير وقعدت معاه مرة وحسيت أن في بينا كيميا والروح بينا مش تقيلة على بعضها وحبيته جدا لما قعدت معه وأتمنى نشتغل مع بعض».