المنتج حمادة إسماعيل يرد على انتقادات كاملة أبو ذكري لـ بيومي فؤاد: بتخوفونا ليه؟.. إيه الغلط اللى بيعمله

علق المنتج حمادة إسماعيل رئيس شركة تتعامل مع موسم الرياض على انتقاد المخرجة كاملة أبوذكري، والجمهور للفنان بيومي فؤاد ، وذلك بعد تصريحاته في انتهاء عرض مسرحية «زواج اصطناعي» ضمن موسم الرياض.

وقال حمادة إسماعيل، خلال مداخلة هاتفية مع الإعلامي عمرو أديب ببرنامج «لحكاية»: «في مخرجة وتهين بيومي فؤاد مش هنخاف، وما يقدم لنا هنا كبير»، وتسأل: «هي السعودية أصبحت إسرائيل يعني؟».

وتابع: «بتخوفونا ليه كل حاجة في المملكة بتتقدم على أعلى مستوى، وجميع الفنانين المصرين احتفاء كبير، لو هي أصبحت إسرائيل قولولنا، السعودية طول عمرها داعمة لمصر».

وقال حمادة إسماعيل: «الفنان المصري أول من يكرم، والناس تستقبلنا بأسلوب لائق ومرحب وبشهادة أي فنان مصري، واللى بيحصل حاليا تخويف، بتخوفونا ليه؟ إيه الغلط اللى بيعمله الفنان؟».

وتابع: «الفنان بيقدم شغله، بييجي المملكة يكرم في أي حدث ويحصل الفنان على فرص في عمله، ومن حقه أن يقدم الشكر، وده بيحصل في كل البلاد العربية».

واختتم حديثه قائلا: «فجأة الناس تطلع تهاجم بشكل صارخ ليه؟ قال إيه غلط، وأي فنان مش عنده رأيه مش عايز يطلع في أي فترة ومش عايز يقدم شغله هو حر، لكن أن الناس تتفق معاه ومحدش يشتغل ليه؟ الكل عارف الحالة الاقتصادية».