كاملة أبو ذكري تثير الجدل: الممثل اللي يتدخل في عمل المخرج قليل أدب

قالت المخرجة كاملة أبو ذكري، إن تدخل الفنان في عمل المخرج أمر غير مقبول ولم يحدث معها قبل ذلك، مضيفة: «الفنان اللي يتدخل في عمل المخرج قليل أدب ومحصلش معايا ولكن بسمع أن في ممثلين بيتدخلوا في اختيار الممثلين اللي قدمهم واختيار الكاميرا وكتابة السيناريو».

الوحيد اللي ممكن أسمحله هو الزعيم عادل إمام

وتابعت خلال لقائها ببرنامج «حبر سري»، تقديم الإعلامية أسما ابراهيم، المذاع على قناة «القاهرة والناس»، أن كل فرد في تصوير العمل الفني له مهنته والممثل الذي يتدخل في عمل المخرج يرسم طريقه للفشل، مضيفة: «اشتغلت مع نجوم كبار وعمري ما شفت عادل إمام بيتدخل في الإخراج أو السيناريو وده اللي بوظ الدنيا وكل واحد كان عارف شغلته».

وواصلت كاملة أبو ذكري: «المخرج اللي يوافق على كده عشان عايز يشتغل ويرضي النجم ومش عايزين حد يقول دمه تقيل وبيبقى مخرج ضعيف والقصة مش زعيق ولا فرض رأي ولكن المخرج هو المسؤول عن كل حاجة وهو القائد».

وعن رأيها في الفنان الوحيد الذي تسمح له بالتدخل في عملها، ردت قائلة: «لو عادل إمام أو احمد زكي هو اللي يعمل اللى هو عايزة وأي حاجة هيقولوها أوافق عليها واي حد غيرهم مستحيل أوافق يتدخل في عمل الإخراج».