عمرو أديب: أسعار السلع والدولار بيزيدوا بلا توقف وربنا مع الحكومة

قال الإعلامي عمرو أديب: "النهاردة مجلس الوزراء بيقولنا معلومة المفروض إن إحنا نبقى كلنا عارفينها إن حرب غزة تؤثر اقتصاديا على الواقع الاقتصادي المصري، وهذا أمر حتمي وطبعا إحنا فاهمين ده من أول يوم".

الأحداث في غزة

وأضاف خلال برنامج "الحكاية" المذاع على قناة "إم بي سي مصر": "مصر دولة جارة لما يحدث في غزة والتأثير على أنشطة اقتصادية مثل السياحة والنمو الاقتصادي وحالة الانكماش اللي بيشهدها أي اقتصاد أثناء وجود حرب قريبة، والناس وهي بتصرف وبتشتغل وبتعمل أي حاجة بتبقى قلقانة فيبتدي الصرف والتوسع يقل".

الأسعار بتزيد بلا توقف

وتابع: "أي حد ممكن تبقى عنده أزمة طيب أنت هتحل إزاي؟ أنا بصراحة دايما كنت أقول ياريت رئيس الوزراء ومجلس الوزراء يقولنا هيعملوا إيه، وأنا مش هقول هذا الأمر ولن أسأل ماذا ستفعلون ربنا معاكم لإن الشيلة والحمل تقيل وهذا أمر مستمر وإحنا بنتكلم لو أنت متفائل قدامنا 3 أو 4 شهور، وعليك أعباء كثيرة وحاجات من الأول عندك أزمة اقتصادية فتيجي الحرب تضع أزمة فوق الأزمة، كلنا عارفين إن فيه أزمة وبما إننا شايفين إن الأسعار بتزيد بلا توقف والدولار يزيد بلا توقف، وفعلا عندنا أعراض جانبية واضحة في السوق وربنا مع الحكومة".
 

وأضاف "أديب"، خلال تقديمه برنامج "الحكاية" المذاع من خلال قناة "إم بي سي مصر": "أوجه رسالة لأشقائنا في الوطن العربي، معندناش أي مشاكل في مصر، ومصر ليس بها أي مشاكل تتعلق بالحرب، وأي أحد حابب يتواجد في مصر أقوله هتتبسط جدا، سواء في شرم الشيخ، أو الأقصر أو أسوان، أو القاهرة".