"أنت مع مين وعايز تضمن إيه؟".. حازم إيهاب يهاجم محمد صلاح بعد فيديو غزة

شن الفنان الشاب حازم إيهاب، هجوما حادا على محمد صلاح، لاعب ليفربول الإنجليزي، وذلك بعد فيديو دعمه الأخير لأهالي فلسطين.

ونشر حازم إيهاب فيديو عبر حسابه الشخصي بموقع تبادل الصور والفيديوهات “إنستجرام”، قال فيه: بحب محمد صلاح كثير، ومؤمن بالتجربة اللي خرجت من بلدي رغم كل الصعوبات، ووصلت إلى العالمية ليعرف العالم كله من هو الشخص الذي يلعب في نادي جماهيري عالمي؟، وأيضًا دخلنا كأس العالم، يجب أن تفهم جيدًا مكانتك بين الناس.

وتابع : باسم يوسف عمل إيه أو إيه الخطوة اللي عملها اللي خلى العالم كله يتكلم عنه.. حلقته جابت 8 أو 9 مليون، واتكلم  بحماس وعبّر عن رأيه بحيادية تامة، يا محمد كنت تعبر كأي شخص بيفكر صاحب نفسه قضية، الناس بتتحمي فينا.

حازم إيهاب يهاجم محمد صلاح

وأضاف: باسم يوسف قال كل اللي عايزين نقوله ونوصله للعالم باللغة الإنجليزية، وجت ليه فرصة التحدث باللغة العربية وليس الإنجليزية على الإطلاق، خرج باسم يوسف واتكلم ولما كان المذيع بيقاطعه كانت ردوده كلها واقعية، وهو متمسك بطرف واحد وحمايته واتكلم عنه.

واستكمل: معنديش أي مشكلة على الإطلاق في تقبلك لكل الانتقادات اللي بتتعرض ليها، وفاهم إنك تبرعت للهلال الأحمر لصالح الضحايا في غزة، وأنا مش ضد قبولك للنقد وأن عندك اللي تخاف عليه، ولكن معرفش إيه هو، ودي أكتر حاجة استفزتني كتبر، مكنش عندي أزمة إنك تفضل مكمل في النظرية دي وتسيب الناس تضرب دماغها في الحيط.

حازم إيهاب: أنت مع مين وعايز تضمن إيه؟

وتابع: أنت راجل خايف على مستقبلك أنت عملت فيديو ملوش أي لأزمة إيه اللي استفدتوا؟.. ومش فاهم أنت مع مين وعايز تضمن إيه.. أنت عايز تمسك في مين.. أنت خايف على إيه.. كلنا عارفين أنك كنت هتروح السعودية لا كان السنة دي أو اللي بعدها.. مش هتكلم على رزقك ربنا يباركلك فيه ياراجل دي قضية وفي ناس بموت.

واسترسل: أنت خايف على إيه على الفلوس مظنش على شعبيتك ما هو متقنعيش أنك في الآخر هتدفن برة لا في الآخر هتدفن في مصر.

واختتم : يا صلاح ده أنت كنت صوتنا كنت المعنى بتاعنا وكنت بتعرف العالم إن في ناس محترمين مصريين وماشيين جنب الحيط ومعندوش فضايح أنا حقيقي مش فاهمك.