إيمي سمير غانم : عمرنا أنا ودنيا ما هنعمل سمير غانم ودلال عبد العزيز أبداً

حلت الفنانة إيمي سمير غانم، ضيفة على برنامج “كلام نواعم”، الذي يذاع عبر شاشة mbc، في أول لقاء إعلامي لها بعد وفاة والديها، منذ ما يقرب 3 سنوات.

وتحدثت الفنانة إيمي سمير غانم عن والديها قائلة :"عارفة لما تاخدي من حب الاب والام الناس بتحبهم وتاخدي من حبهم إن الناس تحبك ؟ دي ميزة، فيه ناس تقولك إنه لأ هي من عيلة فنية فـ دة ممكن يوترهم إنه لازم يبقو عاملين زيهم".

تصريحات إيمي سمير غانم 

وتابعت :"احنا عمرنا ما هنجيب ربعهم ! يعني احنا عمرنا انا ودنيا ما هنعمل سمير غانم ودلال عبد العزيز أبداً".

وردا على سؤال مقارنتها هي وشقيقتها بوالديها الراحلين، قالت :" مينفعش يقارنونا مينفعش ومش صح، يعني دلوقتي هتجيبي وتقارني حد من الممثلين الشباب بتوع دلوقتي كلهم مع احترامنا ليهم كلهم وتقارنيهم بـ فؤاد المهندس ولا عادل امام ولا محمود عبد العزيز ولا حتى اسماعيل يس وعبد الحليم حافظ ؟".

وأضافت:" لأ مينفعش هما ليهم حاجاتهم واحنا لينا حاجاتنا بس احنا بردو لازم تبقى فاهمين إنه مينفعش نتحط معاهم في مقارنة بس حب الناس ليهم يفيدنا مش يوترنا ".