شقيقة سعاد حسني تحسم الجدل: العندليب والسندريلا اتجوزوا 6 سنين ونص

حسمت جيهان عبدالمنعم، شقيقة سعاد حسني، الجدل حول علاقة النسدريلا والعندليب عبد الحليم حافظ، والتي كثرت الأقاويل حول علاقتهما.

وكشفت شقيقة سعاد حسني،  كواليس علاقة عبدالحليم حافظ، بسعاد حسني، مؤكدة أنهما تزوجا لمدة 6 سنوات ونصف.

وقالت خلال لقائها في معكم منى الشاذلي على قناة on e :«كانوا متزوجين وقعدوا 6 سنين ونصف وكان بيجي عندنا البيت، ويجبلنا شوكلاتة وكان بيحسسنا إن احنا ولاده، فكان بيعاملنا كولاده».

وأضافت: «احنا كنا معاها على طول ما عدا ساعات الشغل، لكن أي وقت تاني إحنا معاها، فأنا كنت بشوف عبدالحليم بشكل مستمر خصوصأً لما كانوا متجوزين».

وتابعت: «بنتي طلعت معاها في إحدى الأغنيات، مسلسل هو وهي، كنت في الوقت ده بشتغل معاها في هو وهي لأنها كانت عاملة ريجيم قاس ووزنها كان 42 كيلو».