شقيقة سعاد حسني: نادية يسري كدابة ومعندهاش اي دليل وهي كانت متهمة في قتلها

تحدث جانجاه شقيقة الراحلة سعاد حسني عن أعلان نادية يسري تفاصيل جديدة في قضية قتلها، مشيرا أنها سوف يتم فتح القضية من جديد بعد عودتها إلى لندن.

وقالتجانجاه لموقع «بصراحة»: محدش يقدر يفتح القضية غير أسرتها الكلام ده مش صحيح وغير حقيقي، ونادية يسري دي مجرمة وكانت من ضمن المتهمين بقتل أختي وهي متورطة أصلا فيها،السلطات الانجليزية لو هتفتح القضية لازم يبعتلوا ليا الاول مش أي حد يروح يفتح قضية من تاني كدة.

وأضافت شقيقة سعاد حسني: نادية بتعمل كدة علشان المصلحة تطلع في الاعلام وتتشهر وتطلب فلوس من القنوات، وهي كدابة أصلا هي معهاش اي حاجة ولا رسايل زي ما هي بتقول، واللي يفتح القضية هي انا بس وفقًا للقانون البريطاني.

نادية يسري تهدد بفتح قضية مقتل سعاد حسني

وكتبت نادية يسري عبر فيس بوك: أنا هنزل شوية من أوراق تحقيقات سكتولند يارد في انتحار سعاد حسني علشان الناس اللي بتقول ماحققوش وقفلوا على الموضوع وعملوا سيناريوهات طبعا كله عشان يتاجروا بموتها.

وواصلت نادية يسري: هنزل كمان رسائل سعاد حسني اللي عمري ما وريتها لحد بخط إيدها وهي بتعبر عن وجعها وتعبها ونفسيتها ومشاكلها المالية وهجاوب على شوية الأسئلة اللي بتتكرر من 22 سنة، والشيخ الشعراوي رحمة الله عليه ببشر المظلومين وقال لا يموت ظلوم في الكون حتى ينتقم الله منه.

واختتمت نادية حديثها، قائلة: أنا متأكدة إن ربنا الحق العادل ها يكرمني ويجبلي حقي منهم ومن كل واحد ظلمني وافترى عليا، حسبي الله ونعم الوكيل فيكم، بس خلاص قربت تخلص خالص إن شاء الله.