إلهام شاهين: الزهايمر عبارة عن جثة بتتنفس

كشفت الفنانة إلهام شاهين عدد من التفاصيل، حول دورها في مسلسل “ألفريدو”، وذلك خلال مداخلة هاتفية عبر برنامج «تفاصيل».

وقالت الفنانة إلهام شاهين: «مرض الزهايمر تدهوره صعب جدًا لأن كل حاجة في الشخص ده بتموت لكن بتفضل فيه الروح.. المرض لما بيجي في المخ لأن المخ هو اللي بيدي الإشارات للجسم كل الإشارات بتيجي تتوقف فيبقي المريض عبارة عن جثة بتتنفس، وهو من أصعب الأمراض وكارثة كبيرة منتشر جدًا».

وعن منتقدي العمل قبل عرضه، قالت: «الناس قالت دي عاملة قصة حب وست كبيرة وبتحب واد صغير.. بس لو أفترضنا أنهما أكتشفوا أني ست كبيرة وبتحب واحد أصغر منها في السن فين المشكلة في كده!؟.. كل اللي قالوه كلام فارغ».

واختتمت:«حتى لو كانت شخصية شريرة أو مرفوضة في المجتمع ده أمر عادي أنها تتعرض في الشاشة ودي حاجه مش ضد قانون ولا ضد شرع أو شئ غريب.. في تسرع في الموضوع الشخص عاوز يهاجم وخلاص مش فارق معاه الموضوع.. حتى اللي كانوا بيهاجموا اعتذروا والكل انبسطت بدوري والعمل كل الناس أجتمعت عليه».