أحمد فهيم لـ«بصراحة»: شخصية سيد العمدة كانت فتحة خير عليا وجالي بعده شغل كتير

أعرب الفنان أحمد فهيم عن سعادته البالغة بتكريمه من مهرجان الفضائيات العربية بدورته الـ 14، بجائزة الأفضل عن شخصيته في مسلسل "جعفر العمدة" الذي عرض في الماراثون الرمضاني السابق 2023.

مهرجان الفضائيات العربية

وقال أحمد فهيم خلال لقائه مع "بصراحة": "مبسوط جدًا بتكريمي من مهرجان الفضائيات العربية عن دور سيد في مسلسل جعفر العمدة حاجة بيستناها أي ممثل نتيجة المجهود والتعب اللي هو عمله بحمد ربي".

وأضاف: "شخصية سيد العمدة فتحت ليا أبواب خير كتيرة والنجاح فاق كل التوقعات بحمد ربنا سبحانة وتعالى على النجاح وبقول يارب يكون اللي جاي خير، وآخرنا الجزء الثاني بسبب الظروف الانتاجية وبنوعد الجمهور نعمله أحسن من الجزء الأول".

الراحل خالد صالح

وعن خاله الراحل الفنان خالد صالح: "ألف رحمة ونور عليك يا خالي ربنا يغفر لك ويرحمك ويلحقنا بيك على خير أنا عارف أن أنت حاسس بنجاحي والتكريم وشايفني ومبسوط مني ولو فيا حاجة حلوة هيبقى من خالد صالح، اتعلمت منه كل حاجة مش في التمثيل بس في التعامل مع الآخر برا التمثيل، ولو فيا حاجة حلوة يبقى من خالي، وكان دايما بيقولي متعملش حاجة مادام أنت مش قدها".

الجزء الثاني من جعفر العمدة

وكان قد كشف الفنان أحمد فهيم عن حقيقة تقديم الجزء الثاني من جعفر العمدة، مشيرًا إلى أنه لو تم عرضه سيتم بذل فيه جهد كبير من قبل صُناع العمل.

وقال أحمد فهيم خلال لقائه مع “بصراحة”: "ربنا يعينا ونقدم حاجة أحسن من الجزء الأول في جعفر العمدة، أنا لسه مش عارف لحد دلوقتي هيكون فيه جزء تاني ولا لا".

وأضاف فهيم مازحًا،:"مش هرجع لوداد في الجزء التاني بس احنا بنوعد الجمهور أن احنا هنجتهد وهنطلع أحسن ما عندنا عشان الجزء التاني يعجبكم".