مؤلف سفاح الجيزة يهاجم هادي الباجوري: مخرج إعلانات وكليبات بس

هاجم المؤلف محمد صلاح العزب، المخرج هادي الباجوري، بسبب مسلسل سفاح الجيزة، الذي قدماه سويًا مؤخرًا وعرض عبر منصة شاهد الإلكترونية، مشيرًا إلى أنه سبب قلة نسب مشاهدة آخر حلقتين من العمل.

وقال محمد صلاح العزب في مداخلة هاتفية مع الإعلامية "أميرة بدر": مكنتش موافق على المخرج هادي الباجوري لأنه بالنسبة ليا مخرج إعلانات أو كليبات والحاجات الدرامية اللي عملها أنا مش بحبها، والفيلم الوحيد اللي عمله هو فيلم وردة محققش أي نجاح.

مؤلف سفاح الجيزة يهاجم المخرج

وأضاف: لما جالي المنتج وقالي ده المخرج اللي هشتغل معانا في مسلسل سفاح الجيزة قلتله لا، وكنا شغالين مع اثنين مخرجين ولكن محصلش نصيب بسبب مشاكل مع الإنتاج وهو المخرج أحمد علاء الدين ومحمود شكري وكنت حابب إني أشتغل معاهم.

وعن إمكانية وجود جزء تاني من العمل، قال محمد صلاح العزب: اللي ليه حق في أنه يكتب جزء تاني هو مؤلف العمل، وأحمد فهمي مش هيكون موجود علشان حدوته خلصت.

الجزء الثاني من سفاح الجيزة

في وقت سابق كان قد كشف الفنان باسم سمرة حقيقة وجود جزء ثاني من مسلسل سفاح الجيزة، وحقيقة تغيير آخر حلقتين من الجزء الأول الذي أدى بطولته الفنان أحمد فهمي، وعرض مؤخرًا عبر منصة شاهد الإلكترونية.

وقال باسم سمرة خلال لقائه مع موقع «بصراحة»: معرفش حاجه بخصوص الأزمة اللي حصلت وتدخل هادي الباجوري في الحلقة الأخيرة واللي قبلها، واللي أعرفه مفيش جزء تاني أنا مضيت بس جزء أول.

وعن تكريمه من أكاديمية الفنون قال باسم سمرة: سعيد جدا بتكريمي من معهد الفنون المسرحية وفي أكاديمية الفنون، مهرجان المسرح العربي ده جميل جدا وشوفت عرض أكتر من رائع وسعيد إن أنا شوفت أسرة مسلسل منعطف خطر النهارده، وبقول للمثلين الشباب اللي أبدعوا النهارده على خشبة المسرح أنتوا كنتوا رائعين جدا وعملتوا عرض رائع انتوا نجوم بكرا.

وأختتم سمرة قائلًا: بعمل فيلم الأستاذ مع أستاذ شريف عرفة والفنان محمد إمام الفترة اللي جاية وانتظروا عمل رائع جدا في الفترة اللي جاية.

أبطال سفاح الجيزة

جديرًا بالذكر شارك في مسلسل سفاح الجيزة العديد من نجوم الفن أبرزهم: أحمد فهمي، باسم سمرة، ركين سعد، ميمي جمال، حنان يوسف، صلاح عبدالله، تأليف انجي أبوالسعود وعماد مطر، وإخراج هادي الباجوري، ومن تأليف محمد صلاح العزب وغيرهم .